柬埔寨卫生部制定烟草控制战略 2027-2031

កិច្ចប្រជុំពិនិត្យលើសេចក្ដីព្រាងផែនការយុទ្ធសាស្រ្ត ស្ដីពីការត្រួតពិនិត្យផលិតផល​ថ្នាំជក់ ២០២៧-២០៣១។ —— រាជធានីភ្នំពេញ៖ ថ្ងៃទី២៨ ខែកញ្ញា ឆ្នាំ២០២៦ លោកជំទាវវេជ្ជបណ្ឌិត ឱ វណ្ណឌីន រដ្ឋលេខា​ធិការ​ក្រសួង​សុខា​ភិបាល និងជាអនុប្រធានអចិន្រ្តៃយ៍ នៃគណៈកម្មាធិការត្រួតពិនិត្យផលិតផល​ថ្នាំជក់ បានអញ្ជើញជាអធិបតីក្នុងការដឹកនាំកិច្ចប្រជុំពិនិត្យលើសេចក្ដីព្រាងផែនការយុទ្ធសាស្រ្ត ស្ដីពីការត្រួតពិនិត្យ ផលិតផល​ថ្នាំជក់ ២០២៧-២០៣១ ​ដែលរៀបចំដោយមជ្ឈមណ្ឌលជាតិលើកកម្ពស់សុខភាព នៅសណ្ឋាគារ សាន់វ៉េ ភ្នំពេញ រយៈពេលមួយថ្ងៃពេញ។ កិច្ចប្រជុំនេះ រៀបចំឡើងក្នុងគោលបំណងពិនិត្យ និងកែសម្រួលសេចក្ដីព្រាងផែនការយុទ្ធសាស្ត្រ ស្តីពីការត្រួតពិនិត្យផលិតផលថ្នាំជក់ ឆ្នាំ២០២៧–២០៣១ ដើម្បីឱ្យផែនការយុទ្ធសាស្ត្រនេះមានលក្ខណៈគ្រប់ជ្រុងជ្រោយ ស្របតាមស្ថានភាព និងបញ្ហាប្រឈមនាពេលបច្ចុប្បន្ន ព្រមទាំងអាចអនុវត្តបានប្រកបដោយប្រសិទ្ធភាព។ កិច្ចប្រជុំនេះផងដែរ ក៏មាន​ការអញ្ជើញ​ចូលរួមពី លោកស្រីបណ្ឌិត ឈា ឆដាភា ប្រធាន​មជ្ឈមណ្ឌល​ជាតិ​លើក​កម្ពស់​សុខភាព និងមន្ត្រីបច្ចេកទេស តំណាងក្រសួង ស្ថាប័នពាក់ព័ន្ធជាសមាជិកគណៈកម្មាធិការត្រួតពិនិត្យផលិតផលថ្នាំជក់ និងតំណាងអង្គការសុខភាពពិភពលោកប្រចាំកម្ពុជា សរុបចំនួន ៣០រូប។ **🌐**[Website](https://moh.gov.kh/kh/home) 📱[Facebook](https://www.facebook.com/MinistryofHealthofCambodia?mibextid=ZbWKwL) 📱[Telegram](https://t.me/MOHCambodia) 📱[X (twitter)](https://x.com/MohCambodia) 📱[Tiktok](https://www.tiktok.com/@mohcambodia) 📱[YouTube](https://www.youtube.com/@MOHCambodia)