YHS柬埔寨携手新闻部开展公益 计划覆盖500所学校

[来源: 柬埔寨国家电视台] [分类提示: NEWS] 标题: ក្រុមហ៊ុន YHS Cambodia (យ៉ូស) បញ្ជាក់ពីការចូលរួមគាំទ្រក្រសួងព័ត៌មាន ក្នុងសកម្មភាពសប្បុរសធម៌ និងការងារសង្គមក្នុងខេត្តក្រចេះ ជាពិសេសសម្រាប់កុមារដែលខ្វះខាត ដើម្បីបានទទួលអាហារូប្ថម្ភត្រឹមត្រូវ យល់ដឹងពី ភេសជ្ជៈដែលមានជាតិស្ករទាប សម្រាប់សុខភាព, ភ្នំពេញ៖ ក្នុងឱកាសអញ្ជើញចូលជួបសំដែងការគួរសម និងពិភាក្សាការងារជាមួយ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន នៅរសៀលថ្ងៃទី២២ ខែឧសភា ឆ្នាំ២០២៦ លោកស្រី ហេង សុទ្ធាវី អគ្គនាយិកា ក្រុមហ៊ុន YHS Cambodia (យ៉ូស) បញ្ជាក់ពីការចូលរួមគាំទ្រ និងសហការជាមួយក្រសួងព័ត៌មាន ក្នុងសកម្មភាពសប្បុរសធម៌ និងការងារសង្គមក្នុងខេត្តក្រចេះ ជាពិសេសសម្រាប់កុមារដែលខ្វះខាត ដើម្បីបានទទួលអាហារូប្ថម្ភត្រឹមត្រូវ យល់ដឹងពី ភេសជ្ជៈដែលមានជាតិស្ករទាប សម្រាប់សុខភាព។ លោកស្រីអគ្គនាយិកា បានជម្រាបជូនថា យ៉ូស ជាភេសជ្ជៈទី១ ដែលក្រសួងអប់រំ យុវជន និងកីឡា អនុញ្ញាតឲ្យលក់ក្នុងសាលារៀន ដោយសារមានជាតិស្ករទាប។ ក្រុមហ៊ុនយ៉ូស កំណត់គោលដៅនឹងជួយគាំទ្រចែកទឹកសណ្តែកយ៉ូស ដែលមានជាតិស្ករទាបទៅ ៥០០សាលរៀន ដែលនឹងជូនដល់ សិស្សានុសិស្សប្រមាណ ៥០ម៉ឺននាក់ នៅក្នុងឆ្នាំ២០២៦នេះ។ ឯកឧត្តមរដ្ឋមន្ត្រី នេត្រ ភក្ត្រា បានវាយតម្លៃខ្ពស់ចំពោះសកម្មភាពការងារសប្បុរសធម៌ និងការចូលរួមចំណែកក្នុងសង្គមរបស់ក្រុមហ៊ុន YHS Cambodia (យ៉ូស) ដែលតែងតែគាំទ្រ និងចូលរួមក្នុងសកម្មភាពមនុស្សធម៌ ព្រមទាំងការងារសង្គមនានានៅកម្ពុជា ដើម្បីរួមចំណែកលើកកម្ពស់សុខុមាលភាពប្រជាពលរដ្ឋ និងការអភិវឌ្ឍសង្គមឱ្យកាន់តែប្រសើរ។ ឯកឧត្តមរដ្ឋមន្ត្រី បានចាត់ទុកសកម្មភាពទាំងនេះថា ជាការបង្ហាញពីទំនួលខុសត្រូវសង្គមរបស់វិស័យឯកជន ដែលមិនត្រឹមតែផ្តោតលើការធ្វើអាជីវកម្មប៉ុណ្ណោះទេ ប៉ុន្តែថែមទាំងបានចូលរួមជួយដល់សហគមន៍ និងប្រជាពលរដ្ឋដែលត្រូវការការគាំទ្រផងដែរ។ ជាមួយគ្នានេះ ឯកឧត្តមរដ្ឋមន្