柬美税收谈判7月24日收官 目标税率维持19%以下

វីដេអូ៖ លោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ នៃក្រុមប្រឹក្សាអភិវឌ្ឍន៍កម្ពុជា (CDC) បានមានប្រសាសន៍ថា នៅថ្ងៃទី២៤ ខែកក្កដា ឆ្នាំ២០២៦ ខាងមុខនេះ កម្ពុជានឹងបញ្ចប់កិច្ចព្រមព្រៀងចរចាពន្ធបដិការថ្មីជាមួយសហរដ្ឋអាម៉េរិក ខណៈភាគីកម្ពុជាបានធ្វើការពន្យល់ និងចរចាជាមួយភាគីអាម៉េរិករួចរាល់ហើយ កាលពីថ្ងៃទី១៤ ខែឧសភា ឆ្នាំ២០២៦។ លោកឧបនាយករដ្ឋមន្ត្រី បានបញ្ជាក់ថា តាមរយៈការចរចានេះ កម្ពុជារំពឹងថា អាចរក្សាអត្រាពន្ធត្រឹម ១៩% ឬអាចទាបជាងនេះ ដើម្បីបង្កើនសមត្ថភាពប្រកួតប្រជែងផ្នែកពាណិជ្ជកម្មជាមួយបណ្តាប្រទេសផ្សេងៗ។ ការលើកឡើងនេះ ធ្វើឡើងក្នុងឱកាសដែល លោកឧបនាយករដ្ឋមន្ត្រី ដឹកនាំក្រុមការងារ អញ្ជើញចុះពិនិត្យវឌ្ឍនភាពការងារសាងសង់គម្រោងគ្រប់គ្រងធនធានទឹកចម្រុះហ្វូណនតេជោ កំណាត់ទី២ ស្ថិតនៅភូមិត្រើយឃ្លោក ឃុំដូងខ្ពស់ ស្រុកបូរីជលសារ ខេត្តតាកែវ នាថ្ងៃទី១៦ ខែឧសភា ឆ្នាំ២០២៦។