规划部国家统计局招聘进入面试环节

**បេក្ខជនបង្ហាញទំនុកចិត្តខ្ពស់លើប្រព័ន្ធប្រឡងប្រជែងក្នុងបរិបទថ្មី ខណៈដែលដំណើរការវិញ្ញាសាសួរផ្ទាល់មាត់ក្រសួងផែនការ កំពុងដំណើរការ** ក្នុងខណៈដែលដំណើរការប្រឡងប្រជែងជ្រើសរើសមន្ត្រីផ្អែកលើកិច្ចព្រមព្រៀងការងារ សម្រាប់វិទ្យាស្ថានជាតិស្ថិតិ នៃក្រសួងផែនការ បានឈានដល់វគ្គ «វិញ្ញាសាសួរផ្ទាល់មាត់» និងកំពុងដំណើរការយ៉ាងសកម្ម។ ជាមួយគ្នានេះបេក្ខជនជាច្រើនរូប ដែលបានចូលរួមប្រឡង បានបង្ហាញពីការជឿជាក់យ៉ាងមុតមាំ លើការសម្រាំងយកអ្នកមានសមត្ថភាព ចំណេះជំនាញ និងបទពិសោធពិតប្រាកដក្នុងបរិបទថ្មីបែបនេះ ដើម្បីបង្កើតបានជាធនធានមនុស្សដ៏មានតម្លៃ ទៅបម្រើសេវាសាធារណៈ ជូនប្រជាពលរដ្ឋក្នុងសង្គមប្រកបដោយប្រសិទ្ធភាព និងផ្តល់ផលល្អខ្លាំងដល់ការអភិវឌ្ឍជាតិ។ ក្រោយឆ្លងកាត់បទពិសោធប្រឡងនាពេលកន្លងមក បេក្ខជនអះអាងដូចៗគ្នាពីភាពស្អាតស្អំ តម្លាភាព និងយុត្តិធម៌ ថា "មិនមានចន្លោះប្រហោងណាមួយ ដែលអាចឱ្យកើតមានអំពើពុករលួយឡើយ។ គ្រប់ដំណើរការប្រឡងមានគណៈកម្មការមេប្រយោគត្រួតពិនិត្យយ៉ាងហ្មត់ចត់ ព្រមទាំងមានវត្តមានអង្គភាពប្រឆាំងអំពើពុករលួយ (ACU) ដើរត្រួតពិនិត្យជាប់ជាប្រចាំ ព្រមទាំងមានការផ្ទៀងផ្ទាត់យ៉ាងម៉ត់ចត់ ធានាបាននូវភាពស្អាតស្អំ និងត្រឹមត្រូវបំផុត។" សូមអញ្ជើញទស្សនាវីដេអូចំណាប់អារម្មណ៍បេក្ខជនជាច្រើនរូប ដែលបានចូលរួមប្រឡង បានសម្តែងនូវអារម្មណ៍រំភើប និងបង្ហាញទំនុកចិត្តខ្ពស់លើប្រព័ន្ធប្រឡងប្រជែងបរិបទថ្មី ដែលមានតម្លាភាព យុត្តិធម៌ ស្របតាមគោលការណ៍ «ជាប់ដោយមោទនភាព ធ្លាក់ដោយអស់ចិត្ត»៕