国土规划建设部推进全国CORS测量站建设

អគ្គនាយកដ្ឋាន សុរិយោដី និងភូមិសាស្ត្រ បន្តលើកកម្ពស់ និងពង្រឹងសមត្ថភាពបច្ចេកទេសសុរិយោដីតាមរយៈការដំឡើងស្ថានីយវាស់វែងទូទាំងប្រទេស។ ក្រុមការងារនៃគម្រោងការកសាងបណ្តាញស្ថានីយវាស់វែងអចិន្ត្រៃយ៍ដោយផ្កាយរណប (CORS) បានបន្តអនុវត្តការងារតាមផែនការដោយទទួលបានលទ្ធផលជាបន្តបន្ទាប់ រួមមានការពិនិត្យគុណភាពបេតុង និងខ្នាតជាក់ស្តែង ការចល័តការដ្ឋាន និងការចាក់បេតុងប្រអប់ផ្នែកខាងលើនៃបង្គោលស្ថានីយ ព្រមទាំងការងារជីកប្រឡាយបង្កប់ខ្សែភ្លើងសម្រាប់ប្រព័ន្ធផ្គត់ផ្គង់ថាមពល និងការពាររន្ទះ។ គិតត្រឹមថ្ងៃពុធ ទី២៦ ខែសីហា ឆ្នាំ២០២៦ ការងារសាងសង់បង្គោលផ្នែកបេតុងសម្រេចបានសរុបចំនួន ៧៧ ស្ថានីយ ខណៈការងារដំឡើងខ្សែភ្លើង ប្រព័ន្ធការពាររន្ទះ និងទូមេសម្រេចបានសរុបចំនួន ៦៤ ស្ថានីយ។ ២៦ សីហា ២០២៦ #ស្តង់ដាក្នុងការវាស់វែងនិងការផលិតផែនទី #ការវាស់វែងគោល #ការវាស់វែងទូទៅ #ការផលិតនិងការចែកចាយផែនទីគោល #ក្រសួងរៀបចំដែនដីនគរូបនីយកម្មនិងសំណង់ #MLMUPC [Join MLMUPC News](https://t.me/MLMUPCofCambodia) 🌐 [Website ](https://mlmupc.gov.kh/) 🌐 [Facebook](https://www.facebook.com/mlmupc.pressteam) 🌐 [Youtube](https://www.youtube.com/@MLMUPC_KH) 🌐 [Tiktok](https://www.tiktok.com/@mlmupc_kh)