柬澳反人口贩运工作组召开会议 规划未来合作

លោកជំទាវ សុន សុខាលីដា ប្រតិភូរាជរដ្ឋាភិបាល និងជាអគ្គនាយកនៃអគ្គនាយកដ្ឋានកិច្ចការអយ្យការ និងព្រហ្មទណ្ឌ និងជាប្រធានក្រុមការងារបច្ចេកទេសនៃកម្មវិធីអាស៊ាន-អូស្រ្តាលីប្រឆាំងការជួញដូរមនុស្សនៅកម្ពុជា បានអញ្ជើញជាអធិបតីក្នុងកិច្ចប្រជុំក្រុមការងារបច្ចេកទេសនៃកម្មវិធីអាស៊ាន-អូស្រ្តាលីប្រឆាំងការជួញដូរមនុស្សនៅកម្ពុជា ===================== រាជធានីភ្នំពេញ៖ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមឧបនាយករដ្ឋមន្រ្តី រដ្ឋមន្រ្តីក្រសួងយុត្តិធម៌ នាព្រឹកថ្ងៃអង្គារ ទី២៧ ខែតុលា ឆ្នាំ២០២៦ លោកជំទាវ សុន សុខាលីដា ប្រតិភូរាជរដ្ឋាភិបាល និងជាអគ្គនាយកនៃអគ្គនាយកដ្ឋានកិច្ចការអយ្យការ និងព្រហ្មទណ្ឌ និងជាប្រធានក្រុមការងារបច្ចេកទេសនៃកម្មវិធីអាស៊ាន-អូស្រ្តាលីប្រឆាំងការជួញដូរមនុស្សនៅកម្ពុជា បានអញ្ជើញជាអធិបតីក្នុងកិច្ចប្រជុំក្រុមការងារបច្ចេកទេសនៃកម្មវិធីអាស៊ាន-អូស្រ្តាលីប្រឆាំងការជួញដូរមនុស្សនៅកម្ពុជា ដែលប្រព្រឹត្តទៅនៅសណ្ឋាគារសាន់អេនម៉ូន រីវើសាយដ៍(Sun&Moon Riverside)។​ កិច្ចប្រជុំនេះ រៀបចំឡើងក្រោមកិច្ចសហការរវាងក្រសួងយុត្តិធម៌ និងកម្មវិធីអាស៊ាន-អូស្រ្តាលីប្រឆាំងការជួញដូរមនុស្ស។ កិច្ចប្រជុំនេះ ក៏មានការអញ្ជើញចូលរួមពី លោកស្រី** Stephanie Chow **លេខាទី១ នៃស្ថានទូតអូស្ត្រាលី​ប្រចាំកម្ពុជា, ឯកឧត្តម លោកជំទាវ លោក លោកស្រី អនុប្រធាន និងសមាជិកក្រុមការងារបច្ចេកទេសនៃកម្មវិធីអាស៊ាន-អូស្រ្តាលីប្រឆាំងការជួញដូរមនុស្សនៅកម្ពុជា,​ តំណាងក្រសួងស្ថាប័ន និងអង្គការពាក់ព័ន្ធ ប្រមាណ ៣០​​ រូប។ កិច្ចប្រជុំនេះ មានគោលបំណង ដើម្បីពិនិត្យវឌ្ឍនភាព និងបង្ហាញអំពីលទ្ធផលរួមនៃកម្មវិធីអាស៊ាន-អូស្រ្តាលីប្រឆាំងការជួញដូរមនុស្សឆ្នាំ២០២៥-២០២៦​ និងពិនិត្យ ពិភាក្សាលើផែនការការងារឆ្នាំ២០២៦-២០២៧ លើការគាំទ្រការងារប្រឆាំងការជួញដូរមនុស្សនៅកម្ពុជា។