柬埔寨银行协会获司法部表彰 强化金融纠纷庭外调解机制

លោក រ័ត្ន សោភ័ណ ប្រធានសមាគមធនាគារនៅកម្ពុជា កាលពីរសៀលថ្ងៃទី៣០ ខែមេសា ឆ្នាំ២០២៦នេះ មានកិត្តិយសឡើងទទួលលិខិតថ្លែងអំណរគុណពីអាជ្ញាធរដោះស្រាយវិវាទក្រៅប្រព័ន្ធតុលាការ ដែលផ្ដល់ជូនដោយ ឯកឧត្ដម កើត រិទ្ធ ឧបនាយករដ្ឋមន្រ្តី រដ្ឋមន្រ្តីក្រសួងយុត្តិធម៌ និងជាប្រធានអាជ្ញាធរដោះស្រាយវិវាទក្រៅប្រព័ន្ធតុលាការ(អ.ដ.ក) នៅក្នុងសិក្ខាសាលាថ្នាក់ជាតិរបស់អាជ្ញាធរដោះស្រាយវិវាទក្រៅប្រព័ន្ធតុលាការ នៅសណ្ឋាគារសុខាអូតែល រាជធានីភ្នំពេញ។ សូមរម្លឹកថា កន្លងមក សមាគមធនាគារនៅកម្ពុជា បានសហការជាមួយអាជ្ញាធរដោះស្រាយវិវាទក្រៅប្រព័ន្ធតុលាការ (អ.ដ.ក) យ៉ាងស្អិតរមួត ដើម្បីជំរុញលើការងារកសាងសមត្ថភាព និងការងារដោះស្រាយវិវាទនានាក្នុងវិស័យធនាគារ និងហិរញ្ញវត្ថុ តាមរយៈការរៀបចំសិក្ខាសាលាបណ្ដុះបណ្ដាលជាបន្តបន្ទាប់ ដើម្បីពង្រឹងសមត្ថភាពបុគ្គលិកគ្រឹះស្ថានធនាគារ និងហិរញ្ញវត្ថុ និងមន្រ្តីដោះស្រាយវិវាទរបស់អ.ដ.ក ដើម្បីបង្កើនប្រសិទ្ធភាព នៃការសម្រុះសម្រួល ផ្សះផ្សាវិវាទ នៅក្នុងវិស័យធនាគារ និងហិរញ្ញវត្ថុនៅកម្ពុជា៕ #ABC #theassociationofbanksincambodia​​ Follow Us: ♾️Website ♾️LinkedIn ♾️Facebook ♾️Join ABC Telegram ♾️YouTube