金边SAVAGE酒吧伤人案嫌犯逃往越南 警方启动跨境追捕

ជនដៃដល់យកដបវាយក្បាលជនរងគ្រោះនៅហាងSAVAGEបានរត់គេចខ្លួនទៅដល់វៀតណាម ប៉ុន្តែសមត្ថកិច្ចអះអាងពីការតាមចាប់ខ្លួនដោយមិនដកដៃ ជនដៃដល់ ឆេង ភារុណ យកដបវាយក្បាលជនរងគ្រោះបានរត់គេចខ្លួនចូលទៅដល់ប្រទេសវៀតណាមហើយ ប៉ុន្តែសមត្ថកិច្ចកម្ពុជានឹងមិនដកដៃពីការតាមចាប់ខ្លួនជនបង្ករូបនេះឡើយ និងប្រាប់ទៅគ្រួសារ និងឱ្យហៅជនបង្កវិលចូលប្រទេសកម្ពុជាវិញ ដើម្បីមកទទួលទោស ព្រោះមិនអាចគេចខ្លួនមួយជីវិតបានឡើយ។ នេះបើតាមការអះអាងអគ្គស្នងការរងនគរបាលជាតិ និងជាស្នងការនគរបាលរាជធានី ឧត្តមសេនីយ៍ឯក ជួន ណារិន្ទ នៅលើទំព័រ ហ្វេសប៊ុក ផ្លូវការនារសៀលថ្ងៃទី ២៣ ខែសីហា នេះ។ ឧត្តមសេនីយ៍ឯក ជួន ណារិន្ទ សរសេរនៅលើទំព័រហ្វេសប៊ុកផ្លូវការដូច្នេះ ÷"ជនដៃដល់ឈ្មោះ ឆេង ភារុណ ដែលវាយក្បាលជនរងគ្រោះនឹងដបវេលាយប់មិញបានរត់គេចខ្លួនឆ្លងដែនតាមច្រកបាវិតចូលប្រទេសវៀតណាមហើយ។ សមត្ថកិច្ចយើងខ្ញុំមិនដកដៃក្នុងការតាមចាប់ខ្លួនជនខាងនោះទេ(បើបក្សពួក និងក្រុមគ្រួសារជននេះហៅឱ្យមកចូលខ្លួនកន្លែងសមត្ថកិច្ចមក)មិនអាចរត់គេចខ្លួនបានមួយជីវិតទេ។"។ គួររំលឹកថាហេតុការណ៍នេះបានកើតឡើងកាលពីវេលាម៉ោង២យប់រំលងអធ្រាតឈាន ចូលថ្ងៃទី ២៣ ខែសីហា ឆ្នាំ ២០២៦ ក្នុងហាងឈ្មោះ SAVAGE ស្ថិតក្នុងសង្កាត់បឹងកេងកងទី ១ ខណ្ឌបឹងកេងកងរាជធានីភ្នំពេញ៕