2026年柬埔寨“同一健康”活动

នាថ្ងៃពុធ ១៤កើត ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១ ខែមេសា ឆ្នាំ២០២៦ ក្លឹបយុវជនកាកបាទក្រហមកម្ពុជា នៃសាកលវិទ្យាល័យភូមិន្ទភ្នំពេញ បានចូករួមសម្របសម្រួលរៀបចំកម្មវិធីអបអរសាទរព្រឹត្តិការណ៍ **«សុខភាពតែមួយ ឆ្នាំ២០២៦» (One Health 2026)** នៅកម្ពុជា ដែលរៀបចំដោយ **ក្រសួងសុខាភិបាល**។ កម្មវិធីនេះត្រូវបានរៀបចំឡើងក្នុងគោលបំណងពង្រឹងកិច្ចសហប្រតិបត្តិការលើសុខភាពសាធារណៈ ដែលមានការចូលរួមពីនិស្សិតសរុបចំនួន ២០០រូប មកពីបណ្តាញសាកលវិទ្យាល័យសុខភាពតែមួយកម្ពុជា។ ក្នុងនោះដែរ ក្រៅពីការជួបជុំផ្ទាល់ ក៏មានការរៀបចំឱ្យមានការចូលរួមតាមរយៈ **ប្រព័ន្ធវីដេអូអនឡាញ **ផងដែរ ដើម្បីបង្កលក្ខណៈងាយស្រួលដល់និស្សិតក្នុងការតាមដាន និងក្រេបជញ្ជក់ចំណេះដឹងពីវាគ្មិនជំនាញៗ។ #RUPP #CRC