美国警方在白宫记者协会晚宴上逮捕了一名试图对特朗普实施暴力行为的嫌疑人，现场查获

ឃាត់ខ្លួនជនសង្ស័យម្នាក់ ពាក់ព័ន្ធការប៉ុនប៉ងបង្កហិង្សាលើលោក ដូណាល់ ត្រាំ ក្នុងពិធីជប់លៀងប្រចាំឆ្នាំសេតវិមាន (សហរដ្ឋអាមេរិក)៖ សមត្ថកិច្ចអាមេរិក បានឃាត់ខ្លួនជនសង្ស័យម្នាក់ ដែលត្រូវបានរាយការណ៍ថា ពាក់ព័ន្ធនឹងការប៉ុនប៉ងបង្កហិង្សាលើប្រធានាធិបតីអាមេរិក លោក Donald Trump ក្នុងពិធីជប់លៀងប្រចាំឆ្នាំរបស់សមាគមអ្នកឆ្លើយឆ្លងព័ត៌មានសេតវិមាន (White House Correspondents’ Dinner) កាលពីយប់ថ្ងៃទី២៥ ខែមេសា ឆ្នាំ២០២៦។ តាមសេចក្ដីរាយការណ៍បឋម ជនសង្ស័យត្រូវបានចាប់ខ្លួននៅកន្លែងកើតហេតុ ដោយសមត្ថកិច្ចបានដកហូតអាវុធជាច្រើនប្រភេទ ខណៈកម្លាំងសន្តិសុខបានអន្តរាគមន៍យ៉ាងទាន់ពេលវេលា ដើម្បីធានាសុវត្ថិភាពជូនលោក ត្រាំ និងភ្ញៀវចូលរួមក្នុងកម្មវិធី។ ប្រភពព័ត៌មានបញ្ជាក់ថា លោក ត្រាំ មិនរងរបួសនោះទេ ខណៈអាជ្ញាធរកំពុងបន្តការស៊ើបអង្កេត ដើម្បីកំណត់មូលហេតុ និងបណ្ដាញពាក់ព័ន្ធនៃករណីនេះ។ សមត្ថកិច្ចអាមេរិកបានបញ្ជាក់ថា ការពង្រឹងវិធានការសន្តិសុខជុំវិញមេដឹកនាំជាតិ និងព្រឹត្តិការណ៍សំខាន់ៗ នឹងត្រូវអនុវត្តឱ្យបានតឹងរ៉ឹងបន្ថែមទៀត បន្ទាប់ពីហេតុការណ៍នេះ។