泰军在奥德棉芷省边境筑坝布防 柬方正式提出严正抗议

តើកម្ពុជាមានជំហរដូចម្តេច ចំពោះសកម្មភាពឈ្លានពានរបស់កងកម្លាំងប្រដាប់អាវុធថៃនៅ ខេត្តឧត្តរមានជ័យកាលពីពេលថ្មីៗនេះ? - - - - - យោងតាមការឆ្លើយតបរបស់ក្រុមការងារសាធារណមតិកម្ពុជា (Cambodia PR Team) នៅថ្ងៃទី១១ ខែកក្កដា ឆ្នាំ២០២៦ បានឲ្យដឹងថា រាជរដ្ឋាភិបាលកម្ពុជាបានតវ៉ាយ៉ាងម៉ឺងម៉ាត់ចំពោះសកម្មភាពរបស់កងកម្លាំងប្រដាប់អាវុធថៃ ដែលកាលពី ចន្លោះថ្ងៃទី៥ ដល់ថ្ងៃទី៧ ខែកក្កដា ឆ្នាំ២០២៦ ភាគីថៃបានជីកដីលើកទំនប់ និងរាយបន្លាលួស តាមទិសពីជើងទៅត្បូង នៃបង្គោលព្រំដែនលេខ១៤ ស្ថិតក្នុងសង្កាត់អូរស្មាច់ ក្រុងសំរោង ខេត្តឧត្តរមានជ័យ។ បន្ទាប់មក នៅថ្ងៃទី៩ ខែកក្កដា ឆ្នាំ២០២៦ កងកម្លាំងប្រដាប់អាវុធថៃបានរំលោភចូលក្នុងទឹកដីកម្ពុជា ដើម្បីរាយបន្លាលួស នៅតំបន់បង្គោលព្រំដែន លេខ២២ ស្ថិតក្នុងភូមិថ្មជូន ឃុំគោកមន ស្រុកបន្ទាយអំពិល ខេត្តឧត្តរមានជ័យ។ កម្ពុជាចាត់ទុកថា ទង្វើទាំងនេះគឺជាការរំលោភអធិបតេយ្យភាព និងបូរណភាពទឹកដីយ៉ាងធ្ងន់ធ្ងរ ហើយបានដាក់ការតវ៉ាយ៉ាងខ្លាំងក្លា និងជាផ្លូវការ ដោយបញ្ជាក់យ៉ាងច្បាស់ថា កម្ពុជាមិនទទួលស្គាល់ជាដាច់ខាតចំពោះសកម្មភាពឯកតោភាគីណាមួយដែលប៉ះពាល់ដល់ ខ្សែព្រំដែនអន្តរជាតិរបស់ខ្លួន៕