中国公交司机暴雨中救助母女 善举获全网点赞

**អ្នកបើកបររថយន្តក្រុងជនជាតិចិនម្នាក់ ទទួលបានការកោតសរសើរយ៉ាងខ្លាំងនៅលើបណ្ដាញសង្គមចិន បន្ទាប់ពីបានបញ្ឈប់រថយន្តភ្លាមៗ រួចស្ទុះទៅជួយសង្គ្រោះម្តាយ និងកូនស្រី ដែលបានដួលម៉ូតូអគ្គិសនីនៅលើផ្លូវលិចទឹក ដោយសារភ្លៀងធ្លាក់យ៉ាងខ្លាំង នៅទីក្រុងជីណាន ខេត្តសានដុង។** ** ** ក្នុងហេតុការណ៍នោះ ចរន្តទឹកហូរខ្លាំងបានធ្វើឱ្យពួកគេមិនអាចក្រោកឡើងបាន ហើយជើងរបស់ស្ត្រីជាម្តាយថែមទាំងជាប់នៅក្រោមម៉ូតូ។ ដោយឃើញបែបនេះ លោក វ៉ាង យ៉ុងគឺ បានរត់ចុះទៅលើកម៉ូតូជួយលើកពួកគេ រួចនាំទៅកាន់ទីតាំងមានសុវត្ថិភាព។   បន្ទាប់ពីប្រាកដថាអ្នកទាំងពីរគ្មានរបួស លោក វ៉ាង ជាមួយសភាពទទឹកជោកខ្លួន បានត្រឡប់មកបន្តបេសកកម្មបើកបរសេវាកម្មរថយន្តក្រុងខ្សែ ៥០៣ របស់លោកយ៉ាងស្ងប់ស្ងាត់។ ទឹកចិត្តសប្បុរស និងស្មារតីទទួលខុសត្រូវខ្ពស់របស់លោក បានទទួលបានការចាប់អារម្មណ៍និងកោតសរសើរជាច្រើន ពីសំណាក់អ្នកដំណើរ និងពលរដ្ឋចិន៕