Svay Rieng FC主场升级完成 本周末联赛开赛

ក្លិបកីឡាបាល់ទាត់ព្រះខ័នរាជស្វាយរៀង នៅព្រឹកថ្ងៃទី៧ ខែកញ្ញានេះ បានរៀបចំពិធីក្រុងពាលី ប្រោសព្រះ សុំសេចក្ដីសុខ សេចក្ដីចម្រើន ក្នុងការសម្ពោធដាក់ឲ្យប្រើប្រាស់ជាផ្លូវការកីឡដ្ឋានស្វាយរៀង ដែលត្រៀមបើកទទួលការប្រកួតលីគកំពូលកម្ពុជា រដូវកាលថ្មី វិញ នាចុងសប្ដាហ៍នេះ។ ពិធីក្រុងពាលីសម្ពោធដាក់ឲ្យប្រើប្រាស់កីឡដ្ឋាន ក្រោយចំណាយពេល ១រដូវកាល ដើម្បីជួសជុល និងកែលម្អកាន់តែទំនើបអស្ចារ្យនេះ បានប្រព្រឹត្តទៅក្រោមអធិបតីភាពឯកឧត្តម ឌី វិជ្ជា ប្រធានក្លិបព្រះខ័នរាជស្វាយរៀង និងលោកជំទាវ ហ៊ុន ម៉ាណា ហើយក៏មានការចូលរួមពីភ្ញៀវជាតិ-អន្ដរជាតិជាច្រើនផងដែរ៕