波哥山绿色障碍跑10月4日开赛 2000名选手参赛

ឯកឧត្តម វ៉ាហេង ដាវុធ រដ្ឋលេខាធិការក្រសួងទេសចរណ៍ រំពឹងអ្នករត់ឆ្លងកាត់ឧបសគ្គលើភ្នំបូកគោចុងសប្ដាហ៍នេះ នឹងទទួលបានបទពិសោធន៍ថ្មី និងកាន់តែអស្ចារ្យ ជាមួយតម្រាយផ្លូវ ដែលភ្ជាប់តំបន់ទេសចរណ៍ធម្មជាតិ វប្បធម៌ និងជំនឿ រួមទាំងតំបន់សក្ដានុពលជាច្រើនទៀត លើភ្នំបូកគោ។ ការបង្ហាញសុទិដ្ឋិនិយមនេះ បន្ទាប់ពីឯកឧត្តមបានចុះត្រួតពិនិត្យតម្រាយផ្លូវនៅរសៀលថ្ងៃសុក្រ ដើម្បីត្រៀមរៀបចំព្រឹត្តិការណ៍រត់ឆ្លងកាត់ឧបសគ្គ ផ្សារភ្ជាប់ទេសចរណ៍ក្នុងរដូវកាលបៃតង ក្រោមប្រធានបទ «រត់ដើម្បីទេសចរណ៍បៃតង លើភ្នំបូកគោ» នាព្រឹកថ្ងៃទី៤ ខែតុលា ឆ្នាំ២០២៦ ដោយមានអត្តពលិកជាតិ-អន្ដរជាតិប្រមាណ ២ពាន់នាក់ចូលរួម៕