红色高棉政权更迭51周年历史回顾

ព័ត៌មានប្រវត្តិសាស្ត្រជាតិ : នៅវេលាម៉ោងជាង ១០ព្រឹក ថ្ងៃសុក្រ ទី១៧ ខែមេសា ឆ្នាំ២០២៦នេះ គឺជាថ្ងៃគម្រប់ ជាប្រវត្តិសាស្ត្រឈឺចាប់ នៃការចងចាំរយៈពេល ៥១ឆ្នាំគត់ ដែលកងទ័ពព្រៃខ្មែរក្រហម បានផ្តួលរម្លំ «របបសាធារណរដ្ឋខ្មែរ» ដឹកនាំដោយលោកសេនាប្រមុខ «លន់ ណុល» ជាស្ថាពរ និងបានបង្កើតរបបសមូហភាពថ្មី លើកតម្កើងវណ្ណៈកសិករក្រីក្រ ឋិតក្រោម «របបកម្ពុជាប្រជាធិបតេយ្យ» ដឹកនាំដោយ សមមិត្ត ប៉ុល ពត ហៅ «សាឡុត ស»។ *កងទ័ពព្រៃខ្មែរក្រហម បានជម្លៀសប្រជាជនខ្មែរ ដោយបង្ខំ ឱ្យចាកចេញពីរដ្ឋធានីភ្នំពេញជាកំហិត ឋិតក្រោមលេសភូតភរ កុហក បោកប្រាស់ ខ្លាចសហរដ្ឋអាម៉េរិក ទម្លាក់គ្រាប់បែក ដោយសន្យាថា៖ «ចាកចេញតែ ៣ថ្ងៃតែប៉ុណ្ណោះ»។ ក៏ប៉ុន្តែ ធាតុពិតគឺ ៣ឆ្នាំ ៨ខែ ២០ថ្ងៃ និងបានប្រល័យពូជសាសន៍ខ្មែរស្លូតត្រង់ ដោយអយុត្តិធម៌ អស់ជាង ២,០០០,០០០នាក់ រហូតដល់ថ្ងៃ «កងទ័ពរណសិរ្សសាមគ្គីសង្គ្រោះជាតិកម្ពុជា» និងកងទ័ពវៀតណាម រំដោះប្រទេស បានជាផ្លូវការមកវិញ នៅថ្ងៃអាទិត្យ ទី៧ ខែមករា ឆ្នាំ១៩៧៩។ (Smeyy) (ថ្ងៃព្រហស្បតិ៍ ទី១៧ ខែមេសា ឆ្នាំ១៩៧៥ ដល់ថ្ងៃសុក្រ ទី១៧ ខែមេសា ឆ្នាំ២០២៦) ស្មើនឹងរយៈពេលចំនួន ៥១ឆ្នាំគត់៕ [Facebook](https://www.facebook.com/rumlech9/) | [Facebook](https://www.facebook.com/share/1C7Fatvbeb/?mibextid=wwXIfr) | [Facebook](https://www.facebook.com/profile.php?id=61582633534888) | [Telegram](https://t.me/rumlech9) | [ TikTok](https://www.tiktok.com/@rom.lech) | [YouTube](https://www.youtube.com/@rumlech) | [Instagram](https://www.instagram.com/rumlech/) | [X](https://x.com/RumLech_News) | [Website](https://s-romlechnews.com.kh/)