洪玛尼签署中学教师招聘结果 2026学年师资补充启动

ឯកឧត្តមឧបនាយករដ្ឋមន្ត្រី ហ៊ុន ម៉ានី ពិនិត្យ និងចុះហត្ថលេខាលើលទ្ធផលនៃការប្រឡងជ្រើសរើសគ្រូបង្រៀនមធ្យមសិក្សា ឆ្នាំសិក្សា២០២៦-២០២៧ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការរៀបចំការប្រឡង បានអញ្ជើញពិនិត្យ និងចុះហត្ថលេខា លើលទ្ធផលផ្លូវការនៃការប្រឡងប្រជែងជ្រើសរើសគ្រូបង្រៀនផ្អែកលើកិច្ចព្រមព្រៀងការងារ នៅកម្រិតមធ្យមសិក្សា (វិទ្យាល័យ និងអនុវិទ្យាល័យ) ឆ្នាំសិក្សា២០២៦-២០២៧ សម័យប្រឡងថ្ងៃទី១៩ ខែតុលា ឆ្នាំ២០២៦។ ដំណើរការចុះហត្ថលេខាបញ្ជាក់លទ្ធផលនេះ ត្រូវបានធ្វើឡើងនៅមណ្ឌលកំណែសាលាភូមិន្ទរដ្ឋបាល ដោយមានវត្តមានអញ្ជើញចូលរួមពីសំណាក់ សមាជិក សមាជិកាគណៈកម្មការ អនុគណៈកម្មការនានា តំណាងក្រសួងអប់រំ យុវជន និងកីឡា ក្រសួងសេដ្ឋកិច្ចនិងហិរញ្ញវត្ថុ អង្គភាពប្រឆាំងអំពើពុករលួយ និងអ្នកសង្កេតការណ៍តំណាងសាកលវិទ្យាល័យ ស.ស.យ.ក. និងសាធារណជន ព្រមទាំងអ្នកសារព័ត៌មានជាច្រើនរូប ដើម្បីធានាបាននូវតម្លាភាព យុត្តិធម៌ និងសុក្រឹតភាពយ៉ាងពិតប្រាកដ។ ក្រោយការពិនិត្យ និងចុះហត្ថលេខាដ៏ខ្ពង់ខ្ពស់របស់ ឯកឧត្តមឧបនាយករដ្ឋមន្ត្រី រួចរាល់ សម្រាប់បញ្ជីឈ្មោះលទ្ធផលផ្លូវការ នឹងត្រូវប្រកាសផ្សព្វផ្សាយនៅក្នុងថ្ងៃនេះ នៅលើបណ្តាញផ្សព្វផ្សាយផ្លូវការនានា របស់ក្រសួងមុខងារសាធារណៈ តាមរយៈតំណភ្ជាប់៖ Telegram Channel ថ្មី «ប្រឡងមន្ត្រី» https://t.me/+erOtVg3U1dk4MGE1 បណ្តាញផ្សព្វផ្សាយឈ្មោះ «ក្រសួងមុខងារសាធារណៈ» ១.Telegram https://t.me/mcsgovkh ២.Facebook https://www.facebook.com/CivilServiceCambodia បណ្តាញផ្សព្វផ្សាយឈ្មោះ «ព័ត៌មានមុខងារសាធារណៈ» ១.Telegram https://t.me/CivilServiceNews31 ២.Facebook https://www.facebook.com/Civil.Service.New