柬泰边境局势分析 泰方被指重演挑衅策略 柬方保持克制

ថៃកំពុងលេងក្បាច់ចាស់ ខ្មែរកំពុងរកវិធីគេចដានចាស់! ------- គ្រប់គ្នាប្រហែលជាចាំបានថាសង្គ្រាមជុំទី២កើតឡើងមកពីណា? គឺតាមរយៈការរំខានបន្តិចម្តងៗ បញ្ហាតូចៗដែលមិនអាចចោទជាការឈ្លានពាន ពីការព័ទ្ធបន្លាលួស ដល់ចាក់ភ្លេងខ្មោច រហូតដល់បាញ់គ្រាប់ពិតលើកម្លាំងមិនប្រដាប់អាវុធ ហើយចុងក្រោយផ្ទុះទៅជាការវាយគ្នាមែនទែន ដោយថៃបាញ់មុនជិតកន្លះថ្ងៃទៀត ទើបខ្មែរមានបញ្ជាអោយតដៃទៅវិញ។ លើកនេះគឺថៃបានយកដានចាស់នេះមកប្រើម្តងទៀត ក្រោមរូបភាពនៃការព័ទ្ធបន្លាលួស សង់របង សង់ផ្លូវ ចោទខ្មែរត្រៀមវាយវាយថៃ រហូតដល់ថ្ងៃនេះមានការវាយប្រហារដោយគ្រាប់បែក។ ហេតុអីបានជាគេចង់អោយយើងវាយ? ដោយសារគេអាចយកលេសនោះដាក់យើងវិញអោយធ្ងន់ដៃតែម្តង។ ថៃគ្មានបំណងអោយ UNCLOS ចេញសេចក្តីសម្រេចបានទេ ក៏មិនចង់អោយមានអន្តរជាតិណាមកចាប់អារម្មណ៍ដែរ ថៃចង់បានតែទ្វេភាគីប៉ុណ្ណោះ ដូច្នេះទើបត្រូវបង្កើតជាសម្ពាធណាមួយអោយខ្មែរអស់ជម្រើស ត្រូវលេបថ្មលេបគ្រួសទទួលយកជម្រើសទ្វេភាគីនោះ។ ទ្វេភាគី គ្មានឡើយពាក្យថាស្មើភាព ដោយសារគេស្ថិតក្នុងស្ថានភាពមានប្រៀបទៅហើយ បើចូលមានតែលទ្ធផល២ប៉ុណ្ណោះគឺ ទទួលយកតាមលក្ខខណ្ឌគេទាំងស្រុង ឬបើយើងប្រកែក គេនឹងវាយទៀត ហើយបានលេសចោទថាយើងជាអ្នកវាយមុន ដោយសារមិនចង់ចរចា ដូច្នេះរឿងនេះមិនអាចទៅរួចឡើយ។ បញ្ហាមួយនៅសង្គ្រាមជុំទី២ គឺយើងការពារបានរហូតដល់២១ថ្ងៃទៅហើយ តែបែរមកភ្លាត់នៅពេលបទឈប់បាញ់ចូលជាធរមានទៅវិញ ដោយសារថៃប្រើល្បិចរុលចូលមកពេលស្ងាត់គ្រាប់ដោយសារកាលនោះមិនមានការទទួលស្គាល់លើផែនទីច្បាស់លាស់ មិនសូវមានអ្នកដឹងលឺ ហើយយើងច្បាំងមួយស្មើនឹងថៃតទល់តែម្តង។ បើមានជុំទី៣ ថៃនឹងបន្តប្រើក្បាច់នេះម្តងទៀត ជាហេតុធ្វើអោយខ្មែរទោះជាក្តៅយ៉ាងម៉េចក៏ត្រូវអត់ធ្មត់សិនដែរ ដោយសារយើងត្រូវរកការទទួលស្គាល់សិន ការពារកុំអោយថៃលេងស្នៀតនេះទៀត។ ដំណើរការ UNCLOS, JBC និងផែនទីបារាំង-សៀម ខ្នាត 1:200,000 ជាខែលការពារដ៏រឹងមាំដើម្បីការពារកុំអោយថៃចូលមកឈ្លានពានកាន់កាប់បន្ថែមផង ហើយអាចយកដីមកវិញហើយ ទោះវាយក៏យើងមិនខុសទៀត។ UNCLOS បានចូលដល់ដំណាក់កាលសំខាន់នៃការរើសសមាជិកប្រធានទី៥ទៅហើយ ដូច្នេះថៃត្រូវតែធ្វើយ៉ាងណាកុំអោយរឿងនេះបន្តដល់ការចាប់ផ្តើមផ្លូវការ និងមាន UN ឬអន្តរជាតិមកតាមដានកាន់តែច្រើន តែយើងខុសគ្នា បើនីតិវិធីផ្សះផ្សាដោយបង្ខំចាប់ផ្តើម យើងអាចនឹងយកប្រៀបលើសមរភូមិផ្សះផ្សានោះ មកដាក់លើសមរភូមិអាវុធបាន។ ថៃលេងកាន់តែធំ បង្ហាញថាថៃកាន់តែអស់ពេលហើយ ថៃកាន់តែក្តៅ បង្ហាញថាថៃត្រូវតែធ្វើយ៉ាងណាអោយផ្ទុះអាវុធកាន់តែឆាប់កាន់តែល្អហើយ ដឹងថាបែបនេះអ្នកណាក៏ពិបាកទ្រាំដែរ តែយើងអត់ធ្មត់មកយូរហើយ សុំបន្តិចទៀតចុះ។ គ្មានអ្នកណាមិនឈឺចាប់ទេ តែសូមទុកចិត្តលើរដ្ឋាភិបាលយើង យើងទម្រាំរុញនីតិវិធីនិងអូសកថៃមកបាន មិនងាយទេ ដូច្នេះមិនគួរអោយវាខូចពាក់កណ្តាលទីទេ តែយ៉ាងណាក៏សូមជឿជាក់ថារដ្ឋាភិបាលយើងតែងទុកសុវត្ថិភាពប្រជាជននិងកងទ័ពជាទី១ដែរ បើមានស្ថានការណ៍មិនស្រួល ការតដៃដែលខ្លាំងមួយនឹងកើតមាន៕ Vincent