洪玛尼慰问实居省基层医护人员 赠送新生儿礼包

**កម្មវិធី**  ❤️“ **ប៉ាម៉ានី** “ ❤️   **នៅព្រឹកថ្ងៃចន្ទទី១៥ ខែមិថុនា**  **ឆ្នាំ២០២៦**  **នេះក្រោមពាក្យស្លោក** **ចូលរួមសប្បាយរីករាយជាមួយក្រុមគ្រួសារ** “ **ប៉ាម៉ានី** “ ក្រុមការងារសម្របសម្រួលការងារវិស័យសុខា ភិបាលខេត្តកំពង់ស្ពឺរបស់ ឯកឧត្តមឧបនាយករដ្ឋមន្រ្តី ហ៊ុន ម៉ានី  និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ ដឹកនាំដោយ វេជ្ជបណ្ឌិត កែវ វណ្ណា តំណាង ឯកឧត្តមបណ្ឌិត ហេង សុខគង់ និងសហការី  រួមជាមួយ លោកស្រីវេជ្ជបណ្ឌិត ស៊ីន សុភាព ប្រធានការិយាល័យសុខាភិបាលស្រុកប្រតិបត្តិ កំពង់ស្ពឺតំណាងលោកវេជ្ជ. ហុក គ្រី ប្រធានមន្ទីរសុខាភិបាល ជាមួយសហការី និងលោកស្រី ឈិន សៅរី មន្រី្មមណ្ឌលសុខភាព ព្រៃជម្ពូរមានអង្គ បានចុះសួរសុខទុក្ខ លោកស្រី ជួន លក្ខិណា ជាមន្ត្រីបម្រើការងារនៅមណ្ឌលសុខភាពព្រៃជម្ពូរមានអង្គដែលកំពុងសម្រាកលំហែមាតុភាពនៅគេហដ្ឋាន ភូមិត្រពាំងក្រឹម ឃុំក្រាំងចេក ស្រុកសាមគ្គីមុនីជ័យ ខេត្តកំពង់ស្ពឺ។ ជាមួយនឹងការនាំបណ្តាំសួរសុខទុក្ខ និងការអបអរសាទរមកជូនអ្នកគ្រូពេទ្យ ព្រមទាំងក្រុមគ្រួសារ។ ក្នុងនោះក្រុមការងារក៏បាននាំយកមកនូវកញ្ចប់វត្ថុអនុស្សាវរីយ៍ទារិកាដ៏ស្រស់ស្អាត ដែលជាអំណោយដ៏ថ្លៃថ្លារបស់ឧបនាយករដ្ឋមន្ត្រី ហ៊ុន ម៉ានី ផ្តល់ជូនដល់បុត្រីរបស់អ្នកគ្រូពេទ្យផងដែរ និងសូមជូនពរឱ្យទារក ចម្រើនវ័យដោយមានសុខភាពល្អបរិបូណ៌ និងមានអនាគតល្អរុងរឿង។