金边龙马市场火灾损毁211摊位 商户已获临时安置

ផ្សារនាគមាស៖ ផ្សារក៏ខ្លោច អាជីវករក៏ខ្លោច ភ្នំពេញ៖ ផ្សារនាគមាស ដែលជាផ្សារបោះដុំបន្លែ ផ្លែឈើ ដ៏ធំមួយស្ថិតនៅកណ្តាលរាជធានីភ្នំពេញ ត្រូវបានអគ្គិភ័យដ៏សន្ធោសន្ធៅលេបត្របាក់អស់ ក្នុងពេលមួយប៉ប្រិចភ្នែក។ ភ្លើងដ៏សន្ធោសន្ធៅ ដែលចាប់ឆេះរាលដាលឡើង នៅម៉ោងប្រមាណ ១២ និង៣០នាទីថ្ងៃត្រង់ ថ្ងៃទី២៨ ខែសីហា ​បានបំផ្លាញឃ្លាំងស្តុកផ្លែឈើ និងតូបលក់ដូរ សរុប​២១១តូប។ ភ្លើងត្រូវបានអាជ្ញាធរ គ្រប់គ្រង បាននៅម៉ោង២រសៀលថ្ងៃដដែល។ ប៉ុន្តែអំណាចព្រះអគ្គិដ៏កំណាចបានឆេះខ្លោច អស់បន្លែ ផ្លែឈើ និងសម្ភារទាំងឡាយរបស់អាជីវករនៅក្នុងផ្សារនោះ។ ចំពោះហេតុការណ៍ដ៏អាក្រក់នេះ អាជីវករ មិនអាចធ្វើអ្វីបានក្រៅតែពីការយំខ្លោចចិត្តសោកស្តាយ ទីតាំងលក់ដូររបស់ខ្លួន និងសម្ភារៈដែលបានបាត់បង់ដោយសារភ្លើងឆេះនោះឡើយ។ យ៉ាងណា ដើម្បីឱ្យអាជីវករអាចបន្តរកស៊ីរបរចាស់វិញបាន អំឡុងការរៀបចំ និងសាងសង់ផ្សារឡើងវិញ អាជ្ញាធរ បានសម្របសម្រួលឱ្យអាជីវករ​ ទៅលក់នៅបរិវេណដីអតីតមជ្ឈមណ្ឌលម៉ង់ឌីយ៉ាល់បណ្តោះអាសន្ន។ សូមអញ្ជើញលោកអ្នកនាង ទស្សនាទិដ្ឋភាពនៅផ្សារនាគមាស ដែលថតដោយក្រុមការងារថ្មីៗមីឌៀគ្រុប នៅថ្ងៃទី៣០សីហានេះ ពោលគឺ២ថ្ងៃក្រោយអគ្គិភ័យ៖ ដោយ៖ ឡាយ ឡូង #ThmeyThmey #ពត៌មានរូបភាព