Metfone全体员工为西哈莫尼国王祈福 祝愿圣体安康

🙏🏻 ទូលព្រះ​បង្គំ​ យេីងខ្ញុំជាថ្នាក់ដឹកនាំ និងបុគ្គលិកទាំងអស់នៃក្រុមហ៊ុន មិត្តហ្វូន សូមក្រាបថ្វាយបង្គំថ្វាយព្រះពរ ព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ទូលព្រះបង្គំជាយើងខ្ញុំ សូមលើកហត្ថប្រណម អញ្ជលី ក្រាបថ្វាយបង្គំបួងសួងដល់អស់វត្ថុស័ក្តិសិទ្ធិក្នុងលោក គុណបុណ្យព្រះរតនត្រៃកែវទាំងបី ទេវតាថែរក្សាព្រះមហាស្វេតច្ឆត្រ ព្រះបារមីទេវតាថែរក្សាទឹកដីព្រះរាជាណាចក្រកម្ពុជា ព្រមទាំងដួងព្រះវិញ្ញាណក្ខន្ធនៃអតីតព្រះមហាក្សត្រ ព្រះមហាក្សត្រិយានីគ្រប់ព្រះអង្គ និងដួងព្រលឹងបុព្វបុរសគ្រប់ជំនាន់ សូមយាងបីបាច់រក្សា ប្រោះព្រំព្រះរាជសព្វសាធុការពរជ័យ សិរីបវរមហាប្រសើរថ្វាយព្រះករុណាជាអម្ចាស់ជីវិតលើត្បូង សូមព្រះអង្គឆ្លងកាត់ការព្យាបាលប្រកបដោយជោគជ័យ រួចចាកផុតគ្រោះភ័យទាំងឡាយទាំងពួង និងមានព្រះរាជសុខភាពល្អបរិបូរណ៍ ដេីម្បីគង់ប្រថាប់ជាម្លប់ដ៏ត្រជាក់ត្រជុំសម្រាប់ប្រជានុរាស្រ្តខ្មែរគ្រប់រូប ជាកូន ជាចៅ នៃព្រះរាជាណាចក្រកម្ពុជាជាអង្វែងតរៀងទៅ។