亡人节假期暹粒吴哥窟迎来大量本地游客

ភ្ជុំបិណ្ឌនៅអង្គរ ពលរដ្ឋធ្វើបុណ្យផង កម្សាន្តផង **សៀមរាប៖** ពុទ្ធបរិស័ទជាច្រើននាក់ បាននាំគ្នាទៅធ្វើបុណ្យរាប់បាត្រ និងឧទ្ទិសកុសលជូនញាតិការដែលបានចែកឋាន នៅវត្តឥន្ទ្របត្តបុរី ហៅវត្តអង្គរខាងត្បូង ក្នុងឱកាសពិធីបុណ្យភ្ជុំបិណ្ឌ ដែលជាថ្ងៃបញ្ចប់នៃពិធីកាន់បិណ្ឌ និងភ្ជុំបិណ្ឌរយៈពេល ១៥ថ្ងៃ។ នៅថ្ងៃភ្ជុំបិណ្ឌធំ ប្រជាពលរដ្ឋខ្មែរតែងនាំគ្នាទៅវត្ត ដើម្បីប្រគេនចង្ហាន់ដល់ព្រះសង្ឃ ធ្វើបុណ្យឧទ្ទិសកុសលជូនបុព្វការីជន និងជួបជុំក្រុមគ្រួសារ។ ជាមួយគ្នានេះ អ្នកទេសចរ និងប្រជាពលរដ្ឋមួយចំនួន ក៏បានឆ្លៀតពេលដើរកម្សាន្តក្នុងរមណីយដ្ឋានអង្គរ និងចូលរួមធ្វើបុណ្យនៅតាមវត្តអារាមនានាក្នុងតំបន់ផងដែរ។ ដោយ៖ អុិវ ផានិត