金边亡人节返乡潮涌现 水净华大桥交通严重拥堵

📷 ទិដ្ឋភាពនៅលើស្ពានជ្រោយចង្វារថ្ងៃទី៩ ខែតុលា ឆ្នាំ២០២៦ មានភាពកកកុញ និងខ្វាត់ខ្វែងយ៉ាងខ្លាំង ដោយប្រជាពលរដ្ឋជាច្រើន បានបន្តសម្រុកចាកចេញពីរាជធានីភ្នំពេញ ធ្វើដំណើរទៅកាន់ស្រុកកំណើតរៀងៗខ្លួន ជួបជុំគ្រួសារ ក្នុងឱកាសពិធីបុណ្យភ្ជុំបិណ្ឌ ដែលជាពិធីបុណ្យប្រពៃណីជាតិដ៏ធំមួយរបស់ខ្មែរ។ នៅលើកំណាត់ផ្លូវ និងស្ពានជ្រោយចង្វារ គេសង្កេតឃើញមានយានយន្តគ្រប់ប្រភេទ ជាពិសេសម៉ូតូ និងរថយន្តផ្ទាល់ខ្លួន ព្រមទាំងរថយន្តឈ្នួល បានធ្វើដំណើរតម្រៀបគ្នាយ៉ាងណែនក្តន់។ ប្រជាពលរដ្ឋភាគច្រើនបានរៀបចំអីវ៉ាន់ និងសម្ភារផ្ញើញាតិសន្តាននៅស្រុកកំណើត ដោយទឹកមុខសប្បាយរីករាយ និងពោរពេញដោយក្តីរំភើបក្នុងការបានជួបជុំគ្រួសារ។ ដើម្បីសម្រួលដល់ការធ្វើដំណើរ និងធានាសុវត្ថិភាពជូនប្រជាពលរដ្ឋ កម្លាំងសមត្ថកិច្ច និងនគរបាលចរាចរណ៍បានចុះជួយសម្រួល លំហូរចរាចរណ៍នៅជុំវិញគោលដៅស្ពានជ្រោយចង្វារ និងដងផ្លូវសំខាន់ៗផងដែរ។ សមត្ថកិច្ចក៏បានអំពាវនាវដល់ប្រជាពលរដ្ឋទាំងអស់ ឱ្យបង្កើនការប្រុងប្រយ័ត្ន ក្នុងការបើកបរ គោរពច្បាប់ចរាចរណ៍ និងបើកបរដោយយោគយល់អធ្យាស្រ័យគ្នា ដើម្បីជៀសវាងគ្រោះថ្នាក់ផ្សេងៗ និងទទួលបានការធ្វើដំណើរដោយសុវត្ថិភាពពេញមួយចម្ងាយផ្លូវ៕