柬埔寨打击网诈成效显著 累计逮捕超2.9万人

ពីប្រទេសដែលឧក្រិដ្ឋជនយកជាទីតាំងធ្វើសកម្មភាពឆបោក កម្ពុជា បានក្លាយទៅជាប្រទេសប្តេជ្ញាចិត្តខ្ពស់ក្នុងការកម្ទេចជម្រកស្កេម ហើយពេលនេះ កម្ពុជា ក្លាយជាទីតាំងជជែកកម្រិតអន្តរជាតិ លើការទប់ស្កាត់ និងបោសសំអាតបទល្មើសស្កេម។ គិតចាប់ពីខែកក្កដា ឆ្នាំ២០២៥ ដល់ថ្ងៃទី៣១ ខែ​សីហា ឆ្នាំ២០២៦ អាជ្ញាធរបានឆ្មក់ចូលទីតាំងសង្ស័យ ៨៣២ទីតាំង ប្រតិ​បត្តិ​ការបង្ក្រាប​ការឆបោក​បានចំនួន ៦៦៣ទីតាំង លុបបំបាត់មណ្ឌលឆបោកបានចំនួន៨៦កន្លែង និងឃាត់ខ្លួនជនសង្ស័យជាង ២៩ ០០០នាក់ មានចំនួន៣៩សញ្ជាតិ។ បុគ្គលជាង ២២ ០០០នាក់ មកពី ៣៨ប្រទេស ត្រូវបានចាប់​បញ្ជូន​ទៅ​ប្រទេសដើម ខណៈមនុស្សជាច្រើនផ្សេងទៀត កំពុងស្ថិតក្នុង​ដំណើរ​ការ នៃការបញ្ជូនត្រឡប់ទៅ​ប្រទេស​ដើមវិញ។ លើសពីនេះ សំណុំរឿងចំនួន៤៤៦ករណី ត្រូវបានបញ្ចូនទៅតុលាការ ពាក់ព័ន្ធជនត្រូវចោទ ៣,៩២៧នាក់ មាន ២៩សញ្ជាតិ ខណៈការស៊ើបអង្កេតបន្ថែម​លើអ្នកជាប់​ពាក់ព័ន្ធ និងកិច្ចខិតខំប្រឹងប្រែង​ក្នុងការស្វែងរកទ្រព្យសម្បត្តិខុសច្បាប់កំពុងបន្ត។