磅湛省开展公益活动向渔民及教师发放物资

ស.ស.យ.ក. ខេត្តកំពង់ចាម សូមគោរពជូនសកម្មភាពប្រចាំថ្ងៃទី២០-២២ ខែកញ្ញា ឆ្នាំ២០២៦ ដូចខាងក្រោម៖ 👉 ស.ស.យ.ក. ឃុំកោះសូទិនចូលរួមក្នុងពិធីចែកគ្រឿងឧបភោគបរិភោគ ដល់បងប្អូនខ្មែរឥស្លាមរស់នៅតាមដងទន្លេ ក្រោមអធិបតីភាពឯកឧត្តម សា ស៊ីថា អភិបាលរង នៃគណ:អភិបាលខេត្តកំពង់ចាម តំណាងដ៏ខ្ពង់ខ្ពស់របស់ឯកឧត្តម អ៊ុន ចាន់ដា អភិបាល នៃគណ:អភិបាលខេត្តកំពង់ចាមក្នុងកម្មវិធីចែកអំណោយកញ្ចប់អាហារ  ចំនួន ៨២ កញ្ចប់ក្នុងនោះមាន÷ ប្រជានេសាទប្រកបមុខរបរនេសាទនៅតាមទន្លេមេគង្គ ៧០គ្រួសារ និងគ្រូបង្រៀនចំនួន ១២នាក់ ដែលផ្ដួចផ្ដើមរៀបចំពិធី និងចំណាយថវិកាផ្ទាល់របស់លោក លី មូសា គណ:អ៊ីម៉ាំស្រុកកោះសូទិន និងជាសមាជិកក្រុមប្រឹក្សាស្រុកកោះសូទិន ។ អំណោយដែលបានរៀបចំមាន÷ ១-សម្រាប់ប្រជានេសាទក្នុងឃុំកោះសូទិន ចំនួន ៥០ គ្រួសារ (ចែកនៅត្រង់ចំណុចចុងកោះសូទិន) ២-សម្រាប់ឃុំព្រែកតានង់(ចែកនៅត្រង់ចំណុច កំពង់ចម្លងឃុំមហាខ្ញូង) សរុប ៣២ គ្រួសារ ក្នុងនោះ÷   -ប្រជានេសាទ ២០ គ្រួសារ   -គ្រូបង្រៀន ១២ នាក់ សរុបថវិកាទាំងអស់ចំនួន ៤,០៧៥,០០០ រៀល។ 👉លោកស្រី ប៊ុន ម៉ៃកា ប្រធាន​ ស.ស.យ.ក​. ឃុំសំរោង​បានដឹកនាំសមាជិក​ ស.ស.យ.ក​. ឃុំ ចូលរួមជាមួយរដ្ឋបាលឃុំសំរោង​ អមដំណេីរឯកឧត្តម​ អ៊ុន​ ចាន់ដា​ អភិបាលនៃគណ:អភិបាលខេត្តកំពង់ចាម​ លោក​អភិបាលនៃគណ:អភិបាលស្រុក និង ប្រតិភូអមដំណើរ​ ចុះពិនិត្យមេីលគម្រោងប្រើប្រាស់សូឡាដើម្បីបូមទឹកនៅប្រឡាយស្ថានីយ៍ ហ៊ុនសែនទី១៥ នៅភូមិបន្ទាយថ្មី​ ឃុំសំរោង​ ស្រុកព្រៃឈរ​ ខេត្តកំពង់ចាម។ 👉លោក អេង ណាង សមាជិក ស.ស.យ.ក.ឃុំគរបានចូលរួមជាមួយ លោកអនុភូមិ និងគណៈកម្មការបុណ្យភូមិត្រពាំងពោន ឃុំគរ ស្រុកព្រៃឈរ ខេត្តកំពង់ចាម អញ្ជើញទៅរៃអង្គាសបច្ច័យតាមសទ្ធាជ្រះថ្លាពីប្រជាពលរដ្ឋដើម្បីយកទៅឧបត្ថម្ភកងទ័ពជួរមុខ។ 👉ស.ស.យ.ក. ឃុំពង្រចូលរួមក្នុងពិធីប្រគល់ និងសូត្រមន្តឡើងគេហដ្ឋានថ្មី ០១ខ្នង ជូនលោក ស៊ីន ឆៃហ៊ាង និងប្រពន្ធឈ្មោះ សាន់ អូន ជាគ្រួសារក្រីក្រ នៅភូមិព្រែករំដេងលិច ឃុំពង្រ និងជាផ្ទះជំនួយរបស់អង្គការស្ពានកម្ពុជា-ហូឡង់ ថវិកាបដិភាគរបស់រដ្ឋបាលឃុំ(ថវិកាសេវាសង្គម) ព្រមទាំងម្ចាស់ផ្ទះ តាមលក្ខខណ្ឌរបស់អង្គការចំនួន ២,០០០,០០០ រៀល ក្រោមអធិបតីភាព លោក យី វណ្ណៈ អភិបាល នៃគណៈអភិបាលស្រុកកោះសូទិន។ 👉ស.ស.យ.ក.ឃុំបានចូលរួមជាមួយលោកមេឃុំគរ លោកមេភូមិ បាននាំយកបច្ច័យលោកមេឃុំនិងយុវជន ស.ស.យ.ក.សរុបចំនួន ២០០,០០០រៀលប្រគេនព្រះតេជព្រះគុណវឿន ថារិទ្ធព្រះជន្ម ១៨ឆ្នាំបច្ចុប្បន្នគង់នៅវត្តជោតនារាម(គរ)អាពាធវះកាត់ខ្នែងពោះវៀននៅមន្ទីរពេទ្យ ខេត្តកំពង់ចាម និមន្តចេញពីមន្ទីរពេទ្យគង់នៅផ្ទះញោមភូមិតាមាស ឃុំគរ ស្រុកព្រៃឈរ។