西港发生恶性枪击事件 一男子杀害女友后自杀

ព័ត៌មានបឋម៖ ករណីបុរសម្នាក់បាញ់សម្លាប់ស្ត្រីដែលជាសង្សារ រួចបាញ់សម្លាប់ខ្លួនឯងតាមក្រោយ នៅក្រុងព្រះសីហនុ ខេត្តព្រះសីហនុ៖ យោងតាមព័ត៌មានបឋម មានករណីបុរសម្នាក់បានប្រើប្រាស់អាវុធបាញ់សម្លាប់ស្ត្រីម្នាក់ដែលត្រូវបានរាយការណ៍ថា ជាសង្សារនឹងគ្នា រួចបាញ់សម្លាប់ខ្លួនឯងតាមក្រោយ បង្កឱ្យមានការភ្ញាក់ផ្អើលនៅតំបន់អូរ២ ក្រុងព្រះសីហនុ។ ហេតុការណ៍នេះបានកើតឡើងនៅយប់ឈានចូលថ្ងៃទី១៥ ខែតុលា ឆ្នាំ២០២៦។ តាមប្រភពព័ត៌មានបឋម ស្ត្រីរងគ្រោះត្រូវបានគេរាយការណ៍ថា មានស្វាមី និងកូនរួចហើយ។ យ៉ាងណាមិញ មូលហេតុដែលនាំឱ្យកើតមានអំពើហិង្សាដ៏រន្ធត់នេះ និងព័ត៌មានលម្អិតពាក់ព័ន្ធនឹងករណីខាងលើ នៅមិនទាន់មានការបញ្ជាក់ជាផ្លូវការនៅឡើយទេ។ ព័ត៌មានបន្ថែមនឹងត្រូវផ្សាយជូននៅពេលទទួលបានប្រភពច្បាស់ការណ៍។ សូមបញ្ជាក់ថា៖ នេះជាព័ត៌មានបឋម ហើយសូមរង់ចាំការបញ្ជាក់ពីសមត្ថកិច្ចពាក់ព័ន្ធ៕