柬埔寨司法部官员赴华出席中国东盟法律研究论坛

ឯកឧត្តម មាស សុកែវ អនុរដ្ឋលេខាធិការក្រសួងយុត្តិធម៌ បានអញ្ជើញចូលរួមវេទិកាស្តីពីការពង្រឹងតំបន់ និងការសិក្សាអន្តរជាតិដើម្បីលើកកម្ពស់ទំនាក់ទំនងអន្តរជាតិ នាទីក្រុងឆុងឈីង សាធារណរដ្ឋប្រជាមានិតចិន ==================== នៅថ្ងៃសៅរ៍ ៨រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៩ ខែឧសភា ឆ្នាំ២០២៦ថ្ងៃនេះ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តម កើតរិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ ឯកឧត្តម មាស សុកែវ អនុរដ្ឋលេខាធិការក្រសួងយុត្តិធម៌ បានអញ្ជើញចូលរួមវេទិកាស្តីពីការពង្រឹងតំបន់ និងការសិក្សាអន្តរជាតិដើម្បីលើកកម្ពស់ទំនាក់ទំនងអន្តរជាតិ។ មជ្ឈមណ្ឌលស្រាវជ្រាវច្បាប់ចិន-អាស៊ាន និងសាកលវិទ្យាល័យទ្យាសាស្ត្រនយោបាយ និងនីតិសាស្ត្រភូមិភាគនិរតី នៃសាធារណរដ្ឋប្រជាមានិតចិន បានសហការណ៍រៀបចំវេទិកាស្តីពី “ការពង្រឹងតំបន់ និងការសិក្សាអន្តរជាតិដើម្បីលើកកម្ពស់ទំនាក់ទំនងអន្តរជាតិ” នៅទីក្រុងឆុងឈីង សាធារណរដ្ឋប្រជាមានិតចិន ដែលមានការចូលរួមពីថ្នាក់ដឹកនាំមកពីស្ថាប័នពាក់ព័ន្ធ អ្នកជំនាញផ្នែកសិក្សាតំបន់ និងអន្តរជាតិក្នុងប្រទេសចិន និងបណ្តាប្រទេសអាស៊ាន អ្នកសិក្សាជាន់ខ្ពស់ឯកទេសនីតិរដ្ឋ ទាក់ទងនឹងកិច្ចការបរទេស និងតំណាងមកពីស្ថាប័នសមាជិកជាតិ និងអន្តរជាតិនៃជ្ឈមណ្ឌលស្រាវជ្រាវច្បាប់ ចិន-អាស៊ាន ប្រមាណជាង១០០រូប។ វេទិកានេះផ្តោតទៅលើការអភិវឌ្ឍន៍ប្រព័ន្ធចំណេះដឹងឯករាជ្យរបស់ប្រទេសចិន និងយន្តការច្នៃប្រឌិតសម្រាប់អ្នកមានទេពកោសល្យក្នុងវិស័យនេះ និងកិច្ចសហប្រតិបត្តិការចិន-អាស៊ាន ក្នុងការសិក្សា និងស្រាវជ្រាវផ្នែកច្បាប់។