柬埔寨卫生部长强调领导力与医疗服务改革战略

[来源: 柬埔寨国家电视台] [分类提示: NEWS] 标题: រដ្ឋមន្ត្រីសុខាភិបាល៖ «ការទទួលតួនាទីជាអ្នកដឹកនាំមួយរូប គឺត្រូវមានការទទួលខុសត្រូវក្នុងការងារថ្មី ព្រមទាំងមានការផ្លាស់ប្តូរហូត ដើម្បីឱ្យអង្គភាពមានការរីកចំរើន និងបន្តផ្តល់ប្រយោជន៍ជូនសាធារណជន កាន់តែប្រសើរ» រាជធានីភ្នំពេញ ៖ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល កាលពីថ្ងៃទី២៤ ខែមេសា ឆ្នាំ២០២៦ បានអញ្ជើញជាអធិបតីក្នុងពិធីចែកវិញ្ញាបនបត្របញ្ចប់ការសិក្សា វគ្គបណ្តុះបណ្តាល ស្តីពី «ការគ្រប់គ្រង និងភាពជាអ្នកដឹកនាំ» ជូនមន្រ្តីគ្រប់បគ្រងមណ្ឌលសុខភាព ជំនាន់ទី៨ មន្រ្តីគ្រប់គ្រងមន្ទីរពេទ្យ ជំនាន់ទី៦ និងមន្រ្តីគ្រប់គ្រងការិយាល័យសុខាភិបាលស្រុកប្រតិបត្តិ និងមន្ទីរសុខាភិបាល ជំនាន់ទី១ របស់វិទ្យាស្ថានជាតិសុខភាពសាធារណៈ។ ថ្លែងក្នុងពិធីនោះ ឯកឧត្តមសាស្រ្តាចារ្យរដ្ឋមន្រ្តី បានគូសរំលេចនូវយុទ្ធសាស្រ្តអាទិភាពរបស់ក្រសួងសុខាភិបាល ចំនួន ៣ រួមមាន៖ ១)ពង្រឹងមណ្ឌលសុខភាព ទាំងហេដ្ឋារចនាសម្ព័ន្ធ សម្ភារបរិក្ខារ និងសមត្ថភាពបុគ្គលិកសុខាភិបាល ដើម្បីបម្រើសេវា ២៤ម៉ោង ២)ពង្រឹងមន្ទីរពេទ្យបង្អែកស្រុក ខេត្ត និងថ្នាក់ជាតិ កែលម្អបំពាក់សម្ភារបរិក្ខារ និងបង្កើនធនធានមនុស្ស ព្រមទាំងនិយ័តកម្មសេវាឯកជន ឱ្យបានប្រសើរ និង ៣)ពង្រឹងស្ថាប័ន តាមរយៈការបណ្តុះបណ្តាលភាពជាអ្នកដឹកនាំ និងនវានុវត្តន៍។ ជាមួយគ្នានេះដែរ ឯកឧត្តមសាស្រ្តាចារ្យរដ្ឋមន្រ្តី បានបញ្ជាក់ថា ភាពជាអ្នកដឹកនាំ ក្នុងវិស័យសុខាភិបាល គឺជាតម្លៃលើសពីឋានៈ ឬតួនាទី ក្នុងន័យនេះការដឹកនាំពិតប្រាកដ គឺជាសមត្ថភាពនៃការនាំមុខដោយគំរូល្អ ស្តាប់ដោយយកចិត្តទុកដាក់ សម្រេចចិត្តដោយផ្អែកលើភស្តុតាង ទទួលខុសត្រូវចំពោះលទ្ធផល និងបង្កើតទំនុកចិត្តក្នុងចំណោមក្រុមការងារ និងសហគមន៍។ ដើម្បីបន្តការងារបណ្តុះបណ្តាលធនធានមនុស្ស ក្នុងវិស័យសុខាភិបាល កាន់តែល្អប្រសើរ និងប្រកបដោយគុណភាព ឯកឧត្តមសាស្រ្តាចារ្យរដ្ឋ