堆谷区政府针对毛泽东大道一房东违规占用人行道

សេចក្តីប្រកាសព័ត៌មាន រដ្ឋបាលខណ្ឌទួលគោក សូមបំភ្លឺជូនសាធារណជនទាំងអស់មេត្តាជ្រាបថា ករណីម្ចាស់ផ្ទះឈ្មោះ តាំង មុយលាង (ទីក្រុងសោ) នៅផ្លូវម៉ៅសេងទុង សង្កាត់ផ្សារដេប៉ូទី១ ខណ្ឌទួលគោក ដែលបានរំលោភយកចិញ្ចើមផ្លូវសាធារណៈធ្វើជាកម្មសិទ្ធិ ដោយមិនអនុញ្ញាតឲ្យប្រជាពលរដ្ឋចតយានយន្តនៅលើចិញ្ចើមផ្លូវ និងជេរប្រមាថប្រជាពលរដ្ឋនោះ។ លោក ជា ពិសី អភិបាល នៃគណៈអភិបាលខណ្ឌទួលគោក បានដឹកនាំបញ្ជា និងប្រគល់ភារកិច្ចទៅលោក ស៊ឹម សុផង់ អភិបាលរងខណ្ឌ ដើម្បីដឹកនាំកម្លាំងគណៈបញ្ជាការឯកភាពរដ្ឋបាលខណ្ឌទួលគោក ចុះធ្វើកំណត់ហេតុអប់រំ បញ្ឈប់សកម្មភាពមិនសមរម្យ និងសុំទោសជាសាធារណៈ ប៉ុន្តែនៅពេលកម្លាំងចុះទៅដល់ទីតាំង ម្ចាស់ផ្ទះបានបិទទ្វាចោល មិនស្នាក់នៅទីតាំងឡើយ។ ដូច្នេះគណៈបញ្ជាការឯកភាពខណ្ឌ នឹងចុះធ្វើកំណត់ហេតុអប់រំនៅព្រឹកស្អែកវេលាម៉ោង ៩៖០០នាទី បន្ថែមទៀត ដើម្បីអប់រំបញ្ឈប់សកម្មភាព និងសុំទោសជាសាធារណៈ។ អាស្រ័យហេតុនេះ រដ្ឋបាលខណ្ឌទួលគោក ស្នើសុំឲ្យម្ចាស់ទីតាំងអាជីវកម្មខាងលើ ចូលរួមសហការជាមួយអាជ្ញាធរ និងសូមជម្រាបសាធារណជនទាំងអស់ មេត្តាជ្រាប ជាព័ត៌មាន។