Cambo Rapper冠军苏佩遭遇车祸 德崇和平国家医院抢

📝 ម្ចាស់ពានកម្មវិធី Cambo Rapper លោក A-KK ជួបគ្រោះថ្នាក់ចរាចរណ៍ធ្ងន់ធ្ងរ កំពុងសង្គ្រោះបន្ទាន់នៅមន្ទីរពេទ្យជាតិតេជោសន្តិភាព ___ តារាចម្រៀងរ៉េបល្បីឈ្មោះ លោក សុខពេជ្រ ចាន់ភិរក្ស ហៅ AK-K ម្ចាស់ពានរង្វាន់កម្មវិធី Cambo Rapper បានជួបឧបទ្ទវហេតុគ្រោះថ្នាក់ចរាចរណ៍យ៉ាងធ្ងន់ធ្ងរ បន្ទាប់ពីត្រូវរថយន្តដឹកដីបុកកិនពេញទំហឹង បណ្តាលឱ្យរងរបួសជើងទាំងពីរធ្ងន់ធ្ងរខ្លាំង នៅផ្លូវទំនប់កប់ស្រូវ សង្កាត់សំរោងក្រោម។ បច្ចុប្បន្ន ជនរងគ្រោះត្រូវបានដឹកបញ្ជូនទៅសង្គ្រោះបន្ទាន់ភ្លាមៗ នៅមន្ទីរពេទ្យជាតិ តេជោសន្តិភាព។ ភ្លាមៗបន្ទាប់ពីកើតហេតុ ក្រុមគ្រួសាររបស់លោក AK-K បានធ្វើការអំពាវនាវយ៉ាងទទូចដល់កម្លាំងសមត្ថកិច្ចគ្រប់លំដាប់ថ្នាក់ មេត្តាជួយអន្តរាគមន៍ស្រាវជ្រាវ និងតាមរកអ្នកបើកបរ ក៏ដូចជាក្រុមហ៊ុនឡានដឹកដីដែលជាជនបង្ក មកទទួលខុសត្រូវចំពោះមុខច្បាប់ ដើម្បីផ្តល់យុត្តិធម៌ដល់ជនរងគ្រោះ។ ព័ត៌មានលម្អិតបន្ថែម អង្គភាពយើងនឹងបន្តធ្វើបច្ចុប្បន្នភាពជូននៅពេលក្រោយ។ #Vid