洪玛奈出席第48届东盟峰会 随行高层聚焦经贸教育

សម្ដេចធិបតី អញ្ជើញចូលរួមកិច្ចប្រជុំកំពូលអាស៊ានលើកទី៤៨ សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា នាព្រឹកថ្ងៃសុក្រ ទី៨ ខែឧសភា ឆ្នាំ២០២៦ បានអញ្ជើញចូលរួមកិច្ចប្រជុំកំពូលអាស៊ានលើកទី៤៨ (កិច្ចប្រជុំពេញអង្គ) នៅលើកោះសេប៊ូ ប្រទេសហ្វីលីពីន។ គណៈប្រតិភូជាន់ខ្ពស់ដែលអញ្ជើញអមសម្ដេចធិបតី ហ៊ុន ម៉ាណែត មានដូចជា ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ ឧបនាយករដ្ឋមន្ត្រី ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា លោកស្រី ចម និម្មល រដ្ឋមន្ត្រីក្រសួងពាណិជ្ជកម្ម លោកបណ្ឌិត សូ ណារ៉ូ រដ្ឋមន្ត្រីប្រតិភូមិអមនាយករដ្ឋមន្ត្រី ទទួលបន្ទុកកិច្ចការអាស៊ាន និង រដ្ឋលេខាធិការក្រសួងការបរទេស លោក គង់ ភោគ ឧត្ដមមន្ត្រីអាស៊ានរបស់កម្ពុជា។