柬埔寨将派团参加首届亚洲昆柬拳锦标赛

ក្នុងនាមម្ចាស់ក្បាច់គុន! កម្ពុជាត្រៀមបញ្ជូនកីឡាករ-កីឡាការិនី ៦៦នាក់ ព្រមទាំងប្រតិភូ គ្រូបង្វឹក និងគណៈកម្មការបច្ចេកទេសចំនួន ២២នាក់ សរុប ៨៨នាក់ ចូលរួមការប្រកួតកីឡាប្រដាល់គុនខ្មែរជ្រើសរើសជើងឯកអាស៊ី លើកទី១ (1st ASIAN Kun Khmer Championship) នាថ្ងៃទី១-៨ ខែកញ្ញា ឆ្នាំ២០២៦ ខាងមុខ នៅទីក្រុង Can Tho ប្រទេសវៀតណាម។   នេះបើតាមប្រសាសន៍ឯកឧត្តម ខូវ ឆាយ អគ្គលេខាធិការសហព័ន្ធគុនខ្មែរអន្ដរជាតិ និងជាប្រធានសហព័ន្ធកីឡាប្រដាល់គុនខ្មែរ ក្នុងសន្និសីទសារព័ត៌មាន នៅរសៀលថ្ងៃទី២៧ ខែកញ្ញានេះ ខណៈឯកឧត្តមសង្កត់ធ្ងន់ថា បេសកកម្មនេះ លើសពីការប្រកួតដណ្ដើមមេដាយជូនជាតិមាតុភូមិ តែដើម្បីជំរុញឲ្យប្រតិភូ និងអត្តពលិកចូលរួមទាំងអស់ បានស្គាល់ យល់ដឹង គោរព និងចូលរួមអភិវឌ្ឍគុនខ្មែរកាន់តែច្រើនថែមទៀត។