柬埔寨司法部协助员工办理社保卡 会员总数超380万

ក្រសួងយុត្តិធម៌ បានសម្របសម្រួលឱ្យក្រុមការងារបច្ចេកទេសរបស់បេឡាជាតិរបបសន្តិសុខសង្គម នៃក្រសួងការងារ និងបណ្តុះបណ្តាលវិជ្ជាជីវៈ ចុះធ្វើប័ណ្ណសមាជិក ប.ស.ស. ថ្មី និងធ្វើបច្ចុប្បន្នភាពប័ណ្ណសមាជិក ប.ស.ស. ជូនថ្នាក់ដឹកនាំ មន្រ្តីរាជការ និងមន្រ្តីជាប់កិច្ចសន្យានៃក្រសួងយុត្តិធម៌ ==================== ភ្នំពេញ ៖ នាថ្ងៃចន្ទ ១០រោច ខែស្រាពណ៍ ឆ្នាំមមី អដ្ឋស័ក ព.ស.២៦៧០ ត្រូវនឹងថ្ងៃទី៧ ខែកញ្ញា ឆ្នាំ២០២៦ ក្រសួងយុត្តិធម៌ បានសម្របសម្រួលឱ្យក្រុមការងារបច្ចេកទេសរបស់បេឡាជាតិរបបសន្តិសុខសង្គម នៃក្រសួងការងារ និងបណ្តុះបណ្តាលវិជ្ជាជីវៈ ចុះធ្វើប័ណ្ណសមាជិក ប.ស.ស. ថ្មី និងធ្វើបច្ចុប្បន្នភាពប័ណ្ណសមាជិក ប.ស.ស. ជូនថ្នាក់ដឹកនាំ មន្រ្តីរាជការ និងមន្រ្តីជាប់កិច្ចសន្យានៃក្រសួងយុត្តិធម៌។ ប័ណ្ណ ប.ស.ស. គឺមានសារៈសំខាន់ណាស់សម្រាប់ខ្លួនឯង និងគ្រួសារ ពិសេសអាចធានានូវការចំណាយថវិកាផ្ទាល់ខ្លួននៅពេលមានជំងឺ ឬគ្រោះថ្នាក់ជាយថាហេតុណាមួយ ព្រមទាំងជាការរួមចំណែកធានានូវនិរន្ដរភាពរបបសន្ដិសុខសង្គមផ្នែកថែទាំសុខភាពតាមរបបភាគទានដោយស្ម័គ្រចិត្ត និងដើម្បីសម្រេចបាននូវការគ្របដណ្ដប់សុខភាពជាសកល ស្របតាមយុទ្ធសាស្រ្ដបញ្ចកោណ ដំណាក់កាលទី១ របស់រាជរដ្ឋាភិបាល។ មន្រ្ដីសាធារណៈ ដែលស្ថិតក្រោមបទប្បញ្ញាត្តិច្បាប់ស្តីពីសហលក្ខន្តិកៈមន្រ្តីរាជការស៊ីវិល អតីត មន្រ្ដីរាជការ និងអតីតយុទ្ធជន ព្រមទាំងអ្នកដែលស្ថិតនៅក្នុងបន្ទុកសមាជិក ប.ស.ស. ជាមន្រ្តីសាធារណៈ ក៏អាចចុះបញ្ជីក្លាយជាសមាជិក ប.ស.ស. ដើម្បីទទួលបាននូវកិច្ចគាំពារសង្គមផងដែរទាំងនេះបញ្ជាក់ឱ្យឃើញពីការរីកចម្រើនក្នុងប្រព័ន្ធសន្ដិសុខសង្គម មាន ភាពទូលំទូលាយ ដែលប្រជាជនយើងទន្ទឹងរង់ចាំជាយូរមកហើយ។ គិតត្រឹមសប្តាហ៌ទី៤ នៃខែសីហា ឆ្នាំ២០២៦ ប.ស.ស. មានសមាជិកសរុប ៣,៨៧៣,៣២៣ នាក់។