农业部推行国家单一窗口系统 简化农产品审批流程

ឯកឧត្តមរដ្ឋមន្រ្តី ឌិត ទីណា អញ្ជេីញជាអធិបតីភាពដ៏ខ្ពង់ខ្ពស់ក្នុងសិក្ខាសាលា ស្តីពីការផ្សព្វផ្សាយនិងពិនិត្យលេីការងារអនុវត្តប្រព័ន្ធបញ្ជរតែមួយជាតិរបស់ក្រសួងកសិកម្ម រុក្ខាប្រមាញ់ និងនេសាទ ====================== នាព្រឹកថ្ងៃទី១៤ ខែកញ្ញា ឆ្នាំ២០២៦ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានអញ្ជេីញជាអធិបតីភាពដ៏ខ្ពង់ខ្ពស់ក្នុងសិក្ខាសាលា ស្តីពីការផ្សព្វផ្សាយនិងពិនិត្យលេីការងារអនុវត្តប្រព័ន្ធបញ្ជរតែមួយជាតិរបស់ក្រសួងកសិកម្ម រុក្ខាប្រមាញ់ និងនេសាទ។ ថ្លែងទៅកាន់អង្គសិក្ខាសាលា ឯកឧត្តមរដ្ឋមន្រ្តី បានកោតសរសេីរ និងវាយតម្លៃខ្ពស់នូវកិច្ចខិតខំប្រឹងប្រែងរួមរបស់ក្រុមការងារក្រសួងកសិកម្ម និងក្រសួងសេដ្ឋកិច្ច និងហិរញ្ញវត្ថុ តាមរយៈអគ្គនាយកដ្ឋានគយនិងរដ្ឋាករកម្ពុជា ដែលទទួលបានលទ្ធផលជោគជ័យនេះឡេីង ព្រមទាំងលេីកទឹកចិត្តដល់អង្គពិធីទទួលស្តាប់ ផ្តល់ធាតុចូលបន្ថែម បន្តអនុវត្តការងារនេះឱ្យកាន់តែមានប្រសិទ្ធភាព និងបន្តផ្សព្វផ្សាយឱ្យទូលំទូលាយផងដែរ។ បេីតាម ឯកឧត្តមរដ្ឋមន្រ្តី ការអនុវត្តប្រព័ន្ធស្នេីសុំឌីជីថលនេះនឹងផ្តល់អត្ថប្រយោជន៍ជាច្រេីនក្នុងការចំណេញពេលវេលានិងថវិកា ជំរុញប្រសិទ្ធការងារស្របតាមច្បាប់និងបទប្បញ្ញត្តិ មានទិន្នន័យត្រឹមត្រូវ មានតម្លាភាព និងរួមចំណែកកាត់បន្ថយការិយាធិបតេយ្យ។ ក្រសួងកសិកម្ម បានត្រៀមខ្លួនរួចជានិច្ច ដើម្បីផ្ដល់ព័ត៌មានបន្ថែម សំដៅផ្តល់ភាពងាយស្រួលដល់អ្នកស្នេីសុំលិខិតនានា៕ 👉តំណភ្ជាប់ទៅកាន់គេហទំព័រ និងបណ្តាញសង្គមរបស់ក្រសួងកសិកម្ម រុក្ខាប្រមាញ់ និងនេសាទ [Website](https://www.maff.gov.kh/) | [Facebook](https://web.facebook.com/maff.gov.kh/) | [Youtube](https://www.youtube.com/@-maff2) | [Telegram](https://t.me/maff_gov_kh)