金边271与371路口路面破损严重 市民呼吁尽快修复

📷ទឹកដក់ និងជង្ហុកជាច្រើន នៅលើផ្លូវ ២៧១ កែងនឹងផ្លូវ ៣៧១ (កែងស្តុបបឹងទំពុន) អ្នកធ្វើដំណើរឆ្លងកាត់ បានចោទជាសួរសំណួរទៅកាន់អាជ្ញាធរពាក់ព័ន្ធ ជុំវិញបញ្ហាខូចខាតកំណាត់ផ្លូវនៅកណ្តាលរាជធានីភ្នំពេញ ដែលបន្សល់ទុកឱ្យមានទឹកដក់ និងកើតមានជង្ហុកជាច្រើន បង្កការលំបាកដល់ការធ្វើដំណើរ។ ពលរដ្ឋរស់នៅក្បែរចំណុច ផ្លូវ ២៧១ កែងនឹងផ្លូវលេខ ៣៧១ (កែងស្តុបបឹងទំពុន) ខណ្ឌមានជ័យ រាជធានីភ្នំពេញ បានលើកឡើងថា កំណាត់ផ្លូវនៅទីនេះ បានរងការខូចខាតជាយូរមកហើយ។ អ្វីដែលជាការកត់សម្គាល់ និងកើតភាពងឿងឆ្ងល់ដល់ពួកគាត់ គឺការជួសជុលហាក់ធ្វើឡើងមិនបានពេញលេញ ដោយជួសជុលតែមួយកំណាត់តូច និងបណ្តែតបណ្តោយឱ្យកំណាត់ផ្លូវទៀតនៅក្បែរនោះបន្តខូចខាត មានជង្ហុកជ្រៅៗ និងក្លាយជាស្រះទឹកពេលមានភ្លៀងធ្លាក់ម្តងៗ។ ប្រជាពលរដ្ឋ និងអ្នកដំណើរក៏បានសំណូមពរយ៉ាងទទូចដល់អាជ្ញាធរ និងមន្ទីរជំនាញរាជធានីភ្នំពេញ មេត្តាជួយចុះពិនិត្យ និងសាងសង់ជួសជុលកំណាត់ផ្លូវនេះឡើងវិញឱ្យបានស្អាត និងរលូនល្អដូចបណ្តាញផ្លូវដទៃទៀត ដើម្បីធានារបៀបរៀបរយសោភ័ណភាពទីក្រុង ក៏ដូចជាកាត់បន្ថយគ្រោះថ្នាក់ចរាចរណ៍ និងសម្រួលដល់ការធ្វើដំណើរប្រចាំថ្ងៃរបស់ប្រជាពលរដ្ឋផងដែរ៕