柬埔寨青年联合会官员近日走访贝尔泰国际大学与健康科学大学，向约1350名师生宣讲

ថ្ងៃទី២១ ខែឧសភា ឆ្នាំ២០២៦ ឯកឧត្តម សុខ សប្បាយណា សមាជិកគណៈអចិន្ត្រៃយ៍នៃគណៈកម្មាធិការកណ្ដាល ស.ស.យ.ក. និងឯកឧត្តម សាន វឌ្ឍនា សមាជិកគណៈកម្មាធិការកណ្ដាល ស.ស.យ.ក. បានអញ្ជើញជួបជាមួយនិស្សិតសាកលវិទ្យាល័យប៊ែលធី អន្តរជាតិ និងនិស្សិតសាកលវិទ្យាល័យ វិទ្យាសាស្ត្រសុខាភិបាល ដើម្បីផ្តល់ព័ត៌មានលម្អិតស្តីពីការរៀបចំកម្មវិធី «ដាស់ស្មារតីជាតិ» នៅសាកលវិទ្យាល័យប៊ែលធី អន្តរជាតិ និងសាកលវិទ្យាល័យ វិទ្យាសាស្ត្រសុខាភិបាល ។ កម្មវិធីនេះ មានការអញ្ជើញពីសំណាក់ ឯកឧត្តម លោកជំទាវ សាស្រ្ដាចារ្យ លោកគ្រូអ្នកគ្រូ ព្រមទាំងនិស្សិតចំនួនពីរសាកលវិទ្យាល័យ សរុបប្រមាណជាង ១,៣៥០ នាក់។ ជំនួបដ៏មានសារៈសំខាន់នេះធ្វើឡើងក្នុងគោលបំណងជម្រាបជូនដល់លោកគ្រូ អ្នកគ្រូ និងសិស្សនិស្សិតអំពីព័ត៌មានលម្អិតនៃកម្មវិធី «ដាស់ស្មារតីជាតិ» ដែល ស.ស.យ.ក. គ្រោងនឹងរៀបចំនៅពេលខាងមុខ ដើម្បីឱ្យនិស្សិតទាំងអស់បានស្វែងយល់ពីកម្មវិធីកាន់តែច្បាស់ ដើម្បីយកមកផ្សព្វផ្សាយបន្ត និងបំផុសសមាជិកផ្សេងទៀតឱ្យចូលរួមប្រកបដោយស្មារតីស្វាហាប់ និងមោះមុត។ #ដាស់ស្មារតីជាតិ #២៨ឧសភា #DayofReckoning #28May 👉 [រូបភាពបន្ថែម](https://www.facebook.com/share/p/1CJSNyFnpE/?mibextid=wwXIfr) 🇰🇭 [Day of Reckoning - ដាស់ស្មារតីជាតិ](https://www.facebook.com/share/1H3RX2V9XX/?mibextid=wwXIfr) **👉🏽តំណភ្ជាប់ទៅកាន់បណ្តាញសង្គមរបស់ ស.ស.យ.ក. **🌐 [**uyfc.org**](https://www.uyfc.org/)** **📱 [**Facebook**](https://www.facebook.com/uyfccambodia)** **📱 [**YouTube**](https://www.youtube.com/@unionofyouthfederationcambodia)** **📱 [**Telegram**](https://t.me/uyfc_news)** **📱** **[**TikTok**](https://www.tiktok.com/@uyfccambodia?_t=8fUJ9WcjHX8)