柬埔寨外交部回应泰方终止OCA框架 诉诸UNCLOS强制调解

រដ្ឋមន្ត្រីស្តីទីក្រសួងការបរទេស៖ "កម្ពុជាសោកស្តាយ និងខកចិត្តយ៉ាងខ្លាំងពោះការសម្រេចរបស់ថៃ ក្នុងការលុបក្របខ័ណ្ឌទ្វេភាគីតែមួយគត់ ដែលបានព្រមព្រៀងគ្នារវាងកម្ពុជា-ថៃ សម្រាប់ដោះស្រាយដោយសន្តិវិធីចំពោះតំបន់ទាមទារដែនសមុទ្រត្រួតគ្នា (OCA) និងសម្រាប់ កំណត់ព្រំដែនដែនសមុទ្រ ស្របតាមច្បាប់អន្តរជាតិ។ កម្ពុជាបានជូនដំណឹងជា ផ្លូវការដល់ប្រទេសថៃអំពីការសម្រេចរបស់ខ្លួន ក្នុងការស្វែងរកដំណោះស្រាយ ចំពោះការទាមទារតំបន់ដែន សមុទ្រត្រួតគ្នានេះ តាមរយៈយន្តការផ្សះផ្សាដោយបង្ខំ ក្រោមអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS)។ ដើម្បីផ្តល់ជាទស្សនៈទានទាក់ទងនឹងទំហំ និងវិសាលភាព នៃបញ្ហាដែលតម្រូវឱ្យមានការដោះស្រាយ ជាបន្ទាន់ ដើម្បីស្តារសន្តិភាព និងទំនាក់ទំនងភាពជាអ្នកជិតខាងប្រកបដោយសុខដុមរមនារវាងកម្ពុជា និងថៃ ឡើងវិញ លោកជំទាវ ក៏បានសម្របសម្រួលឱ្យមានការធ្វើបទបង្ហាញស្តីពីស្ថានការណ៍បច្ចុប្បន្ននៃតំបន់ព្រំដែន រវាងប្រទេសទាំងពីរ បន្ទាប់ពីបទឈប់បាញ់ថ្ងៃទី២៧ ធ្នូ ២០២៥។ កម្ពុជាបន្តប្តេជ្ញាចិត្តក្នុងការស្វែងរកដំណោះស្រាយជម្លោះព្រំដែនទាំងអស់ជាមួយថៃ តាមរយៈមធ្យោបាយសន្តិវិធី ស្របតាមច្បាប់អន្តរជាតិ និងកិច្ចព្រមព្រៀងទ្វេភាគីដែលមានស្រាប់ ព្រមទាំងប្រកាន់ខ្ជាប់នូវជំហរជាគោលការណ៍របស់ខ្លួនថា ព្រំដែនមិនត្រូវបានផ្លាស់ប្តូរដោយការប្រើកម្លាំងនោះឡើយ"។ បទបង្ហាញជូនអង្គទូតស្តីពីការបញ្ចប់អនុស្សរណៈនៃការយោគយល់គ្នាឆ្នាំ២០០១ របស់ថៃ និងការវិវត្តថ្មីនៃបញ្ហាព្រំដែនកម្ពុជា-ថៃ | ៦ ឧសភា ២០២៦ [**Join AMS One-minute**](https://t.me/ams1minute)