商务部在荷兰举办B2B对接会 提升柬埔寨产品出口

ឯកឧត្តម សំហេង បូរ៉ា រដ្ឋលេខាធិការក្រសួងពាណិជ្ជកម្ម និងជាប្រធានក្រុមការងារជំរុញការនាំចេញ ដឹកនាំគណៈប្រតិភូ និងតំណាងសហគ្រាសនាំចេញកម្ពុជា ក្នុងកម្មវិធីជំនួបពាណិជ្ជកម្ម (B2B Speed Dating) ដែលរៀបចំឡើង ដើម្បីលើកកម្ពស់កិត្យានុភាពផលិតផលកម្ពុជា និងកសាងទំនុកចិត្តជាមួយអ្នកបញ្ជាទិញអឺរ៉ុប … (រ៉ូតឺដាម, ព្រះរាជាណាចក្រហូឡង់)៖ នាថ្ងៃសុក្រ ទី២៣ ខែតុលា ឆ្នាំ២០២៦ នៅសណ្ឋាគារ Hilton Rotterdam ឯកឧត្តម សំហេង បូរ៉ា រដ្ឋលេខាធិការក្រសួងពាណិជ្ជកម្ម និងជាប្រធានក្រុមការងារជំរុញការនាំចេញ អមដំណើរដោយ ឯកឧត្តម ណាំ លីណាល់ និងលោកជំទាវ សុមេធ សុមនា អនុរដ្ឋលេខាធិការក្រសួងពាណិជ្ជកម្ម បានដឹកនាំគណៈប្រតិភូក្រសួង និងតំណាងក្រុមហ៊ុន-សហគ្រាសនាំចេញកម្ពុជា ចូលរួមក្នុងកម្មវិធីជំនួបពាណិជ្ជកម្ម (B2B Speed Dating)។ កម្មវិធីជំនួបពាណិជ្ជកម្មនេះមានការចូលរួមយ៉ាងច្រើនកុះករពីតំណាងសមាគមពាណិជ្ជកម្មហូឡង់ ព្រមទាំងក្រុមហ៊ុននាំចូល អ្នកកែច្នៃ ភ្នាក់ងារចែកចាយ អ្នកវេចខ្ចប់ និងក្រុមហ៊ុនផ្តល់សេវាកម្មឈានមុខគេនៅតំបន់អឺរ៉ុប។ កម្មវិធីជំនួបពាណិជ្ជកម្មដ៏មានសារៈសំខាន់នេះ ត្រូវបានផ្តួចផ្តើម និងរៀបចំឡើងដោយក្រសួងពាណិជ្ជកម្ម ដោយមានការគាំទ្រពីសហភាពអឺរ៉ុប និងរដ្ឋាភិបាលសហព័ន្ធអាល្លឺម៉ង់ បន្ទាប់ពីបញ្ចប់បេសកកម្មចូលរួមពិព័រណ៍ពាណិជ្ជកម្មម្ហូបអាហារអន្តរជាតិ SIAL Paris 2026 ប្រកបដោយជោគជ័យ។ កម្មវិធីនេះ មានគោលបំណងលើកកម្ពស់កិត្យានុភាព និងឧត្តមភាពនៃផលិតផលកម្ពុជាលើឆាកអន្តរជាតិ ព្រមទាំងកសាងទំនុកចិត្ត និងជំនឿជាក់ឱ្យកាន់តែរឹងមាំក្នុងចំណោមអ្នកបញ្ជាទិញអឺរ៉ុប មកលើសក្តានុពលនៃការផ្គត់ផ្គង់ដោយផ្ទាល់ ប្រកបដោយគុណភាពខ្ពស់ និងនិរន្តរភាពពីកម្ពុជា។ តាមរយៈវេទិកាផ្គូផ្គងធុរកិច្ចដោយផ្ទាល់នេះ ក្រសួងពាណិជ្ជកម្មបានជួយពង្រឹងសមត្ថភាពចរចារបស់សហគ្រាសកម្ពុជា លើកកម្ពស់ការទទួលស្គាល់ម៉ាកយីហោជាតិ និងបើកច្រកទីផ្សារថ្មីៗនៅក្នុងប្រទេសហូឡង់ និងសហភាពអឺរ៉ុប។ ថ្លែងក្នុងកម្មវិធីនេះឯកឧត្តមរដ្ឋលេខាធិការ បានបង្ហាញពីសក្តានុពល និងឧត្តមភាពប្រកួតប្រជែងរបស់សហគ្រាសនាំចេញកម្ពុជា ព្រមទាំងបានគូសបញ្ជាក់អំពីការប្តេជ្ញាចិត្តយ៉ាងមុតមាំរបស់ក្រសួងពាណិជ្ជកម្ម ក្នុងការដើរតួជាស្ពានភ្ជាប់ទំនាក់ទំនង និងជាខ្នងបង្អែកដ៏រឹងមាំសម្រាប់វិស័យឯកជន។ វត្តមានដឹកនាំដោយផ្ទាល់របស់ក្រសួងពាណិជ្ជកម្មនាឱកាសនេះ បានផ្តល់នូវការធានា និងបង្កើនទំនុកចិត្តយ៉ាងខ្ពស់ដល់ដៃគូពាណិជ្ជកម្មអន្តរជាតិ ក្នុងការភ្ជាប់ទំនាក់ទំនងធុរកិច្ចដោយផ្ទាល់ជាមួយអ្នកនាំចេញកម្ពុជា សំដៅជំរុញការនាំចេញផលិតផលកសិ-កែច្នៃសក្តានុពល និងផលិតផលសរីរាង្គ (Organic) របស់កម្ពុជា ឱ្យកាន់តែទូលំទូលាយ។ ទន្ទឹមនឹងនេះ កម្មវិធីផ្គូផ្គងធុរកិច្ច (Speed Dating Sessions) ត្រូវបានរៀបចំឡើងយ៉ាងហ្មត់ចត់ចេញជា ៣ វគ្គធំៗ ដោយអនុញ្ញាតឱ្យអ្នកបញ្ជាទិញអឺរ៉ុបផ្លាស់ប្តូរវេនគ្នាជួបពិភាក្សាដោយផ្ទាល់ជាមួយសហគ្រាសនាំចេញកម្ពុជា ដើម្បីត្រួតពិនិត្យគុណភាពផលិតផលគំរូ ចរចាលក្ខខណ្ឌពាណិជ្ជកម្ម និងឈានទៅបង្កើតកិច្ចសហប្រតិបត្តិការជាក់ស្តែង៕ - - - His Excellency SAMHENG Bora, Secretary of State of the Ministry of Commerce and Chairman of the Export Promotion Task Force, Led a Delegation and Cambodian Exporting Enterprises in a B2B Speed Dating Event Organized to Elevate the Prestige of Cambodian Products and Build Confidence with European Buyers … (Rotterdam, the Kingdom of the Netherlands): On Friday, October 23, 2026, at the Hilton Rotterdam Hotel, His Excellency SAMHENG Bora, Secretary of State of the Ministry of Commerce and Chairman of the Export Promotion Task Force, accompanied by His Excellency NAM Lynal and Her Excellency SOMETH Somnea Under Secretaries of State of the Ministry of Commerce, led the Ministry's delegation and representatives of Cambodian exporting enterprises to participate in a B2B Speed Dating event. This B2B event saw enthusiastic participation from representatives of Dutch business associations, as well as leading European importers, processors, distributors, packers, and service providers. … ភ្ជាប់មកកាន់ក្រសួងពាណិជ្ជកម្ម តាមតំណភ្ជាប់ខាងក្រោម៖ Connect with Ministry of Commerce: 🌐 [Facebook ](https://web.facebook.com/moc.gov.kh) 🌐 [Telegram](https://t.me/mocnewsfeed) 🌐 [Website](https://www.moc.gov.kh/) 🌐 [YouTube](https://www.youtube.com/@mocgovkhcambodia) 🌐 [X (Twitter](https://twitter.com/MoCCambodia))