柬埔寨公立中学教师招聘结果即将公布 考生请关注官方

ការប្រកាសលទ្ធផល នៃការប្រឡងប្រជែងជ្រើសរើសគ្រូកិច្ចព្រមព្រៀង កម្រិតមធ្យមសិក្សា ឆ្នាំសិក្សា២០២៦-២០២៧ នឹងធ្វើការផ្សព្វផ្សាយ នាពេលឆាប់ៗនេះ សូមជម្រាបជូន បេក្ខជនទាំងអស់ទូទាំងប្រទេស ដែលកំពុងទន្ទឹងរង់ចាំលទ្ធផលផ្លូវការនៃការប្រឡងប្រជែងជ្រើសរើសគ្រូបង្រៀនផ្អែកលើកិច្ចព្រមព្រៀងការងារ នៅកម្រិតមធ្យមសិក្សា (វិទ្យាល័យ និងអនុវិទ្យាល័យ) ឆ្នាំសិក្សា២០២៦-២០២៧ ជ្រាបថា គណៈកម្មការរៀបចំការប្រឡង នឹងធ្វើប្រកាសលទ្ធផលជាផ្លូវការ នាពេលឆាប់ៗនេះ។ ការប្រកាសលទ្ធផលនេះ ធ្វើឡើងបន្ទាប់ពីដំណើរការកែសន្លឹកកិច្ចការត្រូវបានបញ្ចប់រួចរាល់ជាស្ថាពរ ហើយគណៈកម្មការរៀបចំការប្រឡង បាន និងកំពុងពន្លឿនក្នុងការផ្ទៀងផ្ទាត់ពិន្ទុ និងបញ្ចូលទិន្នន័យយ៉ាងហ្មត់ចត់បំផុត ដើម្បីធានាបាននូវសុក្រឹតភាព តម្លាភាព និងយុត្តិធម៌ ជូនបេក្ខជនគ្រប់ៗរូប ក្រោមការត្រួតពិនិត្យ និងតាមដាននៅគ្រប់ដំណាក់កាលពី អង្គភាពប្រឆាំងអំពើពុករលួយ អនុគណៈកម្មការពិនិត្យនិងវាយតម្លៃ និងអ្នកសង្កេតការណ៍ផងដែរ។ ដើម្បីទទួលបានព័ត៌មានអំពីលទ្ធផលប្រឡង សូមភ្ជាប់ជាមួយបណ្តាញផ្សព្វផ្សាយផ្លូវការនានា របស់ក្រសួងមុខងារសាធារណៈ តាមរយៈតំណភ្ជាប់៖ Telegram Channel ថ្មី «ប្រឡងមន្ត្រី» https://t.me/+erOtVg3U1dk4MGE1 បណ្តាញផ្សព្វផ្សាយឈ្មោះ «ក្រសួងមុខងារសាធារណៈ» ១.Telegram https://t.me/mcsgovkh ២.Facebook https://www.facebook.com/CivilServiceCambodia បណ្តាញផ្សព្វផ្សាយឈ្មោះ «ព័ត៌មានមុខងារសាធារណៈ» ១.Telegram https://t.me/CivilServiceNews31 ២.Facebook https://www.facebook.com/Civil.Service.New