柬埔寨公务部启动官员福利项目 洪玛尼部长亲自部署

**ក្រុមការងារទទួលបន្ទុកអនុវត្តគម្រោងស្តីពីការគិតគូរសុខុមាលភាពមន្ត្រីនៃក្រសួងមុខងារសាធារណៈ បន្តតាមដាន និងយកចិត្តទុកដាក់ជាប្រចាំចំពោះសុខទុក្ខមន្ត្រីគ្រប់រូប** នារសៀលថ្ងៃទី២៥ ខែឧសភា ឆ្នាំ២០២៦ ឯកឧត្តម នាង កែវសុវណ្ណ អនុរដ្ឋលេខាធិការ និងជាអនុប្រធានក្រុមការងារទទួលបន្ទុកអនុវត្តគម្រោងស្តីពីការគិតគូរសុខុមាលភាពមន្ត្រីនៃក្រសួងមុខងារសាធារណៈ បានដឹកនាំក្រុមការងារ អញ្ជើញចុះសួរសុខទុក្ខ និងនាំយកវត្ថុអនុស្សាវរីយ៍ ព្រមទាំងថវិកាឧបត្ថម្ភរបស់ឯកឧត្តមឧបនាយករដ្ឋមន្ត្រី ចូលរួមរំលែកទុក្ខដល់ក្រុមគ្រួសារសព លោក ចាន់ តារា អនុប្រធានការិយាល័យទំនាក់ទំនងអន្តរជាតិ នៃនាយកដ្ឋានស្រាវជ្រាវ និងទំនាក់ទំនងអន្តរជាតិ នៃសាលាភូមិន្ទរដ្ឋបាល ដែលបានទទួលមរណភាព នាថ្ងៃចន្ទ ៩កើត ខែជេស្ឋ ឆ្នាំមមី សប្តស័ក ព.ស.២៥៧០ ត្រូវនឹងថ្ងៃទី២៥ ខែឧសភា ឆ្នាំ២០២៦ ក្នុងជន្មាយុ ៤២ឆ្នាំ ដោយរោគាពាធ។   គម្រោងស្តីពីការគិតគូរពីសុខមាលភាពមន្រ្តីនៃក្រសួងមុខងារសាធារណៈ (MCS.H+) គឺជាគំនិតផ្តួចផ្តើមផ្ទាល់របស់ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ ដែលជានិច្ចកាល តែងតែយកចិត្តទុកដាក់ខ្ពស់លើសុខទុក្ខរបស់មន្រ្តីក្រោមឱវាទ តាមរយៈដោយអញ្ជើញដោយផ្ទាល់ និងចាត់បញ្ជូនសហការី ដើម្បីចុះសួរសុខទុក្ខ និងនាំយកវត្ថុអនុស្សាវរីយ៍ ឬថវិកាឧបត្ថម្ភ ដល់ថ្នាក់ដឹកនាំ និងមន្ត្រីរាជការនៃក្រសួងមុខងារសាធារណៈ ដែលរួមបញ្ជូលទាំងករណីសម្រាកព្យាបាលជំងឺនៅមន្ទីរពេទ្យ សម្រាកលំហែមាតុភាព និងចូលរួមរំលែកទុក្ខករណីមរណភាពរបស់សាច់ញាតិក្រុមគ្រួសារជាដើម៕