金·莫诺维亚出任总理特别代表 开启欧盟外交首访

បន្ទាប់ពីត្រូវបានតែងតាំងជាប្រេសិតពិសេស លោកជំទាវ កឹម មនោវិទ្យា ចាប់ផ្តើមបេសកកម្មដំបូងជួបជាមួយឯកអគ្គរដ្ឋទូតសហភាពអឺរ៉ុប ............ បន្ទាប់ពីត្រូវបានតែងតាំងជាប្រេសិតពិសេសរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា រួចមក នៅថ្ងៃទី២០ ខែសីហា ឆ្នាំ២០២៦ លោកជំទាវ កឹម មនោវិទ្យា បានចាប់ផ្តើមបេសកកម្មការងារផ្លូវការជាលើកដំបូង ដោយបានជួបពិភាក្សាជាមួយឯកអគ្គរដ្ឋទូតសហភាពអឺរ៉ុប (EU)ប្រចាំនៅកម្ពុជា។ នៅក្នុងជំនួបពិភាក្សានោះផងដែរ បានផ្តោតលើប្រធានបទសំខាន់ៗពីរ រួមមាន៖ ទីមួយ ស្ថានភាព និងបញ្ហាព្រំដែនកម្ពុជា-ថៃ និងទីពីរ កិច្ចសហប្រតិបត្តិការសេដ្ឋកិច្ច និងការវិនិយោគ ដោយផ្តោតលើការលើកកម្ពស់សក្តានុពលរបស់កម្ពុជា ដើម្បីទាក់ទាញវិនិយោគិនពីតំបន់អឺរ៉ុបមកវិនិយោគនៅកម្ពុជាឱ្យកាន់តែច្រើនថែមទៀត។ សូមបញ្ជាក់ជូនថា លោកជំទាវ កឹម មនោវិទ្យា គឺជាកូនស្រីច្បងរបស់លោក កឹម សុខា ហើយលោកជំទាវ ក៏បានបញ្ចប់ការសិក្សាថ្នាក់បរិញ្ញាបត្រផ្នែកគ្រប់គ្រងពាណិជ្ជកម្មពីសាកលវិទ្យាល័យ San Jose State University សហរដ្ឋអាមេរិក និងថ្នាក់បរិញ្ញាបត្រជាន់ខ្ពស់ផ្នែកសេដ្ឋកិច្ចពាណិជ្ជកម្ម ពីសាកលវិទ្យាល័យ University of Amsterdam ប្រទេសហូឡង់៕