干拉省道路施工质量引争议 农村发展部部长现场督导

ទាល់តែរដ្ឋមន្រ្តី ចុះទៅឈរបញ្ជាដឹកនាំផ្ទាល់ ទើបការងារសម្រេចទៅរួច! រដ្ឋមន្រ្តីក្រសួងអភិវឌ្ឍន៍ជនបទលោក ឆាយ ឫទ្ធិសែន នៅរសៀលថ្ងៃទី២០ ខែកញ្ញា ឆ្នាំ២០២៦ បានចុះទៅបញ្ជាឲ្យក្រុមការងារវិស្វកម្ម និងក្រុមការងាររបស់ក្រសួង កាយដីចេញពីតួថ្នល់ ដើម្បីឲ្យបងប្អូនប្រជាពលរដ្ឋអាចធ្វើដំណើរបានឡើងវិញ។ ផ្លូវបេតុង ១ខ្សែប្រវែង ១០០០ម៉ែត្រ ទទឹងប្រវែង ៦ម៉ែត្រ តភ្ជាប់ពីភូមិភូមិពង្រ ទៅកាន់ភូមិស្រែអំពិល ក្នុងឃុំឈ្វាំង ស្រុកពញាឮ ខេត្តកណ្តាល ដែលស្ថាបនាដោយកងវិស្វកម្ម នៃក្រសួងការពាជាតិ ត្រូវបានគេចែកចាយលើបណ្តាញសង្គមយ៉ាងខ្លាំង ដោយសារតែតួផ្លូវបានចាក់បេតុងរួចហើយ ប៉ុន្តែបានចាក់ដីពីលើ ដោយមិនកាយឲ្យរាបស្មើ ធ្វើឲ្យមានការលំបាកក្នុងការធ្វើដំណើរយ៉ាងខ្លាំង។ តាមពិតការចាក់ដីពីលើតួថ្នល់នេះ គឺដើម្បីស្ថាបនាចិញ្ចើមផ្លូវ តែក្រុមសាងសង់ មិនបានកៀរចេញឲ្យរៀបស្រួលធ្វើដំណើរសិន ក៏ទទួលរងការរិះគន់យ៉ាងខ្លាំងនៅតាមបណ្តាញសង្គម ដោយចោទសួរថា តើការងារនេះជាបច្ចេកទេសសាងសង់ផ្លូវដោយរបៀបណា? ក្រោយផ្ទុះការរិះគន់នៅតាមបណ្តាញសង្គម បានធ្វើឲ្យរដ្ឋមន្រ្តីក្រសួងអភិវឌ្ឍន៍ជនបទ រួមជាមួយអភិបាលស្រុក ចុះទៅឈរបញ្ជាទាំងភ្លៀងឲ្យកាយដីចេញពីតួថ្នល់ ដើម្បីអាចធ្វើដំណើរស្រួលឡើងវិញ។ មន្រ្តីបញ្ជាក់ថា ការងារស្ថាបនា