英国海军HMS TAMAR号访问云壤海军基地 强化防务合作

ឧត្តមសេនីយ៍ឯក ឌី វិជ្ជា ចូលរួមពិធីលៀងសាយភោជន៍ អបអរនាវាកងទ័ពជើងទឹកអង់គ្លេសHMS TAMAR ចូលចតជាលើកដំបូងនៅមូលដ្ឋានសមុទ្ររាម ឧត្តមសេនីយ៍ ឌី វិជ្ជា អគ្គស្នងការរងនគរបាលជាតិ បានចូលរួមពិធីលៀងសាយភោជន៍ រៀបចំឡើងលើនាវាកងទ័ពជើងទឹកអង់គ្លេសឈ្មោះHMS TAMAR (P233) នាល្ងាចថ្ងៃព្រហស្បតិ៍ ទី២០ ខែសីហា ឆ្នាំ២០២៦នៅមូលដ្ឋានសមុទ្ររាម ដែលពិធីនៅប្រព្រឹត្តទៅក្រោមអធិបតីភាពដ៏ខ្ពង់ខ្ពស់ នាយឧត្តមសេនីយ៍ ទៀ វិញ រដ្ឋលេខាធិការក្រសួងការពារជាតិ។ គួរឱ្យដឹងថា នាវាល្បាតឈូងសមុទ្រ HMS Tamar បានចូលចតនៅមូលដ្ឋានសមុទ្ររាមកងទ័ពជើងទឹកកម្ពុជា នាវេលាម៉ោង១០ព្រឹក ថ្ងៃទី២០ ខែសីហា។ នេះជាដំណើរទស្សនកិច្ចលើកទី៣របស់កងទ័ពជើងទឹកអង់គ្លេសមកកាន់កម្ពុជា រាប់ចាប់តាំងពីឆ្នាំ ២០២៣។ ក្នុងអំឡុងពេលដំណើរទស្សនកិច្ចរយៈពេល១សប្ដាហ៍ ពោលគឺចាប់ពីថ្ងៃទី២០ ដល់ថ្ងៃទី២៧ ខែសីហា HMS Tamar នឹង ហ្វឹកហ្វឺនរួមជាមួយកងទ័ពជើងទឹកកម្ពុជា ដើម្បីពង្រឹងកិច្ចសហប្រតិបត្តិការផ្នែកការពារជាតិ និងការផ្លាស់ប្តូរជំនាញរវាងកម្ពុជា និងចក្រភពអង់គ្លេស និងគាំទ្រកិច្ចសហប្រតិបត្តិការសន្តិសុខដែនសមុទ្រនៅតំបន់ឥណ្ឌូ-ប៉ាស៊ីហ្វិក៕