柬埔寨高考今日结束 家长考场外守候接送子女

ម្តាយ ឪពុក តែង​មានវត្តមានជានិច្ច ក្បែរកូន ចេញពីមណ្ឌលប្រឡងភ្លាម បេក្ខជនបាក់ឌុបដែលប្រឡងនៅវិទ្យាល័យ ចតុមុខ បានដើរតម្រង់មករកម្តាយ ឪពុក និងអាណាព្យាបាល ដែលនៅរង់ចាំតាំងពីព្រឹកដល់ត្រង់នេះ ​ដោយឥតបង្អង់។ ជើងចេះបោះរកគ្នា រីឯក្រសែភ្នែករបស់ពួកគេ ត្របាញ់រកគ្នាបង្កប់នូវក្តីបារម្ភ និងសេចក្តីស្រឡាញ់យ៉ាងជ្រាលជ្រៅមិនអាចគណនាបាន។ រីឯនៅលើផ្ទៃមុខ គឺពេញស្នាមញញឹមដែលមានអត្ថន័យជាទីបំផុត។ ​ កូនៗខ្លះរត់ទៅឱបម្តាយឪពុក ឬបងប្អូន បន្ទរដោយសំណួរ ចម្លើយអំពីការប្រឡងរបស់កូន។ ម្តាយឪពុក តែងសួរថា កូនធ្វើបានល្អទេ? ធ្វើបានត្រឹមត្រូវ? មានភ័យឬទេ? អស់ពីសំណួរទាំងនេះ ម្ដាយឪពុកម្នីម្នា នាំកូនៗស្រស់ស្រួបបាយថ្ងៃត្រង់យ៉ាងរីករាយ។