新闻部呼吁青年谨慎发布网络信息 严防虚假新闻传播

[来源: 柬埔寨国家电视台] [分类提示: NEWS] 标题: អ្នកនាំពាក្យក្រសួងព័ត៌មាន ជំរុញឱ្យយុវវ័យបន្តមរតកនៃការគិតគូរហ្មត់ចត់ពីដូនតានិងរៀមច្បង មុននឹងសម្រេចចិត្តសរសេរ ឬចែករំលែកព័ត៌មាន បាត់ដំបង៖ ឯកឧត្តម ទេព អស្នារិទ្ធ អ្នកនាំពាក្យក្រសួងព័ត៌មាន បានណែនាំយ៉ាងទទូចដល់យុវជន និងអ្នកប្រើប្រាស់បណ្តាញសង្គមទាំងអស់ ឱ្យមានការប្រុងប្រយ័ត្នខ្ពស់ មុននឹងសម្រេចចិត្តចែកចាយព័ត៌មាន។ នៅក្នុងឱកាសនោះ ឯកឧត្តមបានលើកឡើងថា៖ «រាល់ការសម្រេចចិត្តនិពន្ធ សរសេរ ឬធ្វើអ្វីមួយ ដូនតានិងរៀមច្បងរបស់យើងតែងតែមានការគិតគូរយ៉ាងល្អិតល្អន់បំផុត ដូចនេះ យុវជនជំនាន់ក្រោយគប្បីបន្តវប្បធម៌នៃការគិតគូរឱ្យបានគ្រប់ជ្រុងជ្រោយនេះ មុននឹងសរសេរ ឬចែករំលែកព័ត៌មានលើបណ្តាញសង្គម»។ ការជំរុញនេះត្រូវបានធ្វើឡើងនៅក្នុងពិធីផ្សព្វផ្សាយយុទ្ធនាការ «និយាយថាទេចំពោះព័ត៌មានក្លែងក្លាយ» ជំហានទី២ ដែលរៀបចំឡើងដោយមន្ទីរព័ត៌មានខេត្តបាត់ដំបង នៅវិទ្យាល័យនេត យ៉ង់ ក្រុងបាត់ដំបង កាលពីថ្ងៃទី១៦ ខែកក្កដា ឆ្នាំ២០២៦។ កម្មវិធីនេះមានការអញ្ជើញចូលរួមពីឯកឧត្តម ជា លីសែ អនុរដ្ឋលេខាធិការក្រសួងព័ត៌មាន, លោក ទេព ហន អភិបាលរងខេត្តបាត់ដំបង តំណាងដ៏ខ្ពង់ខ្ពស់របស់ឯកឧត្តមអភិបាលខេត្ត, តំណាងមន្ទីរអប់រំ យុវជន និងកីឡា, ថ្នាក់ដឹកនាំមន្ទីរព័ត៌មានខេត្ត រួមទាំងលោកគ្រូ អ្នកគ្រូ និងសិស្សានុសិស្សសរុបប្រមាណជាង ១,០០០ នាក់។ ក្នុងជំនួបជាមួយសិស្សានុសិស្សវិទ្យាល័យ នេត យ៉ង់ ឯកឧត្តម ទេព អស្នារិទ្ធ បានរំលឹកដល់យុវជនឱ្យបន្តមរតកនៃការគិតគូរវែងឆ្ងាយពីដូនតានិងរៀមច្បង មុននឹងបញ្ចេញមតិ ឬចែករំលែកព័ត៌មានលើបណ្តាញសង្គម។ ឯកឧត្តមបានសង្កត់ធ្ងន់ថា គំរូដ៏ល្អរបស់ឥស្សរជន និងកវីនិពន្ធល្បីៗ គឺរាល់ការសរសេរនិងការនិយាយ តែងឆ្លុះបញ្ចាំងពីការពិត គុណធម៌ និងសេចក្តីថ្លៃថ្នូរសម្រាប់សង្គមជាតិ ដូច្នេះយុវជនគប្បីយកចិត្តទុកដាក់ និងអនុវត្តតាមវប្បធម៌ពិចារណាគ្រប់ជ្រុងជ្រោយនេះ។ ឯកឧត្តមបានបញ្ជាក់យ៉ាងដ