劳工部携手国际劳工组织 强化制造业职业安全标准

[来源: 柬埔寨国家电视台] [分类提示: NEWS] 标题: ក្រសួងការងារ សហការជាមួយគម្រោង ILO-BFC រៀបចំកិច្ចពិភាក្សាជាមួយតំណាងម្ចាស់ម៉ាកអន្តរជាតិដើម្បីបង្កើនការយកចិត្តទុកដាក់លើសុវត្ថិភាព និងសុខភាពការងារដល់បងប្អូនកម្មករនិយោជិត (ភ្នំពេញ)៖ ឯកឧត្តម ហេង សួរ រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈ បានអញ្ជើញដឹកនាំកិច្ចប្រជុំតាមប្រព័ន្ធវីដេអូ រវាងក្រសួងការងារ គម្រោងរោងចក្រកាន់តែប្រសើរនៅកម្ពុជា (ILO-BFC) និងតំណាងម្ចាស់ម៉ាក ដើម្បីពិភាក្សាពីវឌ្ឍនភាពនៃការលើកកម្ពស់សុវត្ថិភាព និងសុខភាពការងារនៅកម្ពុជា នារសៀលថ្ងៃទី៨ ខែកញ្ញា ឆ្នាំ២០២៦ នៅទីស្តីការក្រសួង។ កិច្ចប្រជុំនេះបានធ្វើបច្ចុប្បន្នភាពនៃសេចក្តីព្រាងច្បាប់ស្តីពីសុវត្ថិភាព និងសុខភាពការងារ (OSH) និងប្រព័ន្ធតាមដានសុវត្ថិភាព និងសុខភាពការងារ ដែលជាគម្រោងសាកល្បង ក៏ដូចជាការត្រៀមខ្លួនរបស់កម្ពុជានៅពេលបញ្ចប់ឋានៈជាប្រទេសអភិវឌ្ឍតិចតួច (LDC Graduation) ក្នុងឆ្នាំ២០២៩ និងការបន្តអនុស្សរណៈនៃការយោគយល់គ្នានៃកម្មវិធី ILO-BFC សម្រាប់ ឆ្នាំ២០២៨-២០៣២។ ថ្លែងទៅកាន់អ្នកចូលរួម ឯកឧត្តមរដ្ឋមន្រ្តីបានវាយតម្លៃខ្ពស់ចំពោះសមិទ្ធផល ក្រោមគម្រោងរោងចក្រកាន់តែប្រសើរនៅកម្ពុជា ដោយសង្កត់ធ្ងន់ថា កិច្ចប្រជុំនេះបង្ហាញពីការប្តេជ្ញាចិត្តរួមចំពោះខ្សែច្រវាក់ផ្គត់ផ្គង់ប្រកបដោយការទទួលខុសត្រូវ ការងារសមរម្យ ការបន្តផ្តល់ទំនុកចិត្តលើវិស័យកាត់ដេរ ស្បែកជើង និងផលិតផលធ្វើដំណើរ (GFT) របស់កម្ពុជា ដែលជាវិស័យស្នូលដ៏សំខាន់នៃសេដ្ឋកិច្ចជាតិ និងកំណើននៃការនាំចេញ។ ឯកឧត្តមគូសបញ្ជាក់ថា នៅចំពោះមុខភាពមិនច្បាស់លាស់នៃសេដ្ឋកិច្ចពិភពលោក និងការផ្លាស់ប្តូរយ៉ាងឆាប់រហ័សនៃពិភពការងារ កម្ពុជាប្តេជ្ញាចិត្តយ៉ាងមុតមាំក្នុងការផ្តល់នូវភាពប្រាកដប្រជាផ្នែកបទប្បញ្ញត្តិ ការពារសុខុមាលភាពកម្លាំងពលកម្ម និងពង្រឹងចីរភាពនៃអាជីវកម្ម។ ខណៈដែលត្រៀមខ្លួនចាកចេញពីឋានៈប្រទេសអភិវឌ្ឍន៍តិចតួច