柬埔寨政府正式实施公共部门社保制度

រាជរដ្ឋាភិបាលពង្រឹងរបប ប.ស.ស. សម្រាប់វិស័យសាធារណៈ! រាជរដ្ឋាភិបាលកម្ពុជា បានសម្រេចដាក់ឱ្យប្រើប្រាស់ជាផ្លូវការនូវអនុក្រឹត្យស្តីពី «ការពង្រឹងវិសាលភាពរបបសន្តិសុខសង្គមផ្នែកហានិភ័យការងារ និងផ្នែកថែទាំសុខភាព សម្រាប់បុគ្គលដែលស្ថិតនៅក្នុងវិស័យសាធារណៈ» ដើម្បីធានាបាននូវសមធម៌សង្គម បង្កើនប្រសិទ្ធភាពគាំពារ និងលើកកម្ពស់សុខុមាលភាពជូនមន្ត្រីរាជការ និងបុគ្គលិកជួរមុខដែលកំពុងបម្រើសេវាសាធារណៈទូទាំងប្រទេស។ អ្នកទទួលបានអត្ថប្រយោជន៍៖ 👉 មន្ត្រីរាជការស៊ីវិលថ្នាក់ជាតិ និងក្រោមជាតិ 👉 កងកម្លាំងប្រដាប់អាវុធគ្រប់ប្រភេទ 👉 មន្ត្រីកម្មសិក្សា និងមន្ត្រីជាប់កិច្ចសន្យា 👉 សមាជិកក្រុមប្រឹក្សាគ្រប់ថ្នាក់ និងមន្ត្រីភូមិ។ អត្ថប្រយោជន៍ទទួលបាន៖ 👉 ផ្នែកថែទាំសុខភាព៖ ពិនិត្យ ព្យាបាល និងសម្រាកពេទ្យឥតគិតថ្លៃ នៅមន្ទីរពេទ្យដៃគូ ប.ស.ស. 👉 ផ្នែកហានិភ័យការងារ៖ ទទួលបានសេវាសង្គ្រោះ និងប្រាក់ឧបត្ថម្ភសាច់ប្រាក់ ពេលជួបគ្រោះថ្នាក់ការងារ 👉 បន្ទុកភាគទាន៖ រាជរដ្ឋាភិបាលជាអ្នករ៉ាប់រងបង់ជំនួស១០០%។ សេចក្តីសម្រេចនេះ បង្ហាញពីការយកចិត្តទុកដាក់ខ្ពស់បំផុតរបស់រាជរដ្ឋាភិបាល ក្នុងការលើកកម្ពស់គុណភាពជីវិត សុខុមាលភាព និងសេចក្តីថ្លៃថ្នូររបស់មន្ត្រីសាធារណៈ តាមរយៈការកសាងប្រព័ន្ធគាំពារសង្គមមួយដ៏រឹងមាំ និងមានបរិយាបន្ន ដើម្បីជាបង្អែកដ៏កក់ក្តៅជូនដល់អ្នកបម្រើសេវាសាធារណៈ ដែលជាឆ្អឹងខ្នងនៃកាលានុវត្តភាពអភិវឌ្ឍន៍ជាតិ។