司法部完成邮政法草案审查 快递物流业将迎新规

ឯកឧត្តម​ កេង​ សុម៉ារិទ្ធ រដ្ឋលេខាធិការ​ និងជាប្រធានក្រុមការងារដឹកនាំការត្រួតពិនិត្យផ្នែកទោសប្បញ្ញត្ដិនៃសេចក្ដីព្រាងច្បាប់ និងលិខិតបទដ្ឋានគតិយុត្ដនានា បានអញ្ជើញដឹកនាំកិច្ចប្រជុំបច្ចេកទេស ដើម្បីពិនិត្យបញ្ចប់នៃសេចក្តីព្រាងច្បាប់ស្តីពីប្រៃសណីយ៍។ ===================== នាព្រឹកថ្ងៃអង្គារ ១កើត ខែកត្តិក ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១០ ខែវិច្ឆិកា ឆ្នាំ២០២៦ នៅទីស្តីការក្រសួងយុត្តិធម៌, ឯកឧត្តម​ កេង​ សុម៉ារិទ្ធ រដ្ឋលេខាធិការ​ និងជាប្រធានក្រុមការងារដឹកនាំការត្រួតពិនិត្យផ្នែកទោសប្បញ្ញត្ដិនៃសេចក្ដីព្រាងច្បាប់ និងលិខិតបទដ្ឋានគតិយុត្ដនានា បានអញ្ជើញដឹកនាំកិច្ចប្រជុំបច្ចេកទេស​លើកទី៣ ជាមួយតំណាងក្រសួងប្រៃសណីយ៍ និងទូរគមនាគមន៍ ដើម្បីពិនិត្យបញ្ចប់នៃសេចក្តីព្រាងច្បាប់ស្តីពីប្រៃសណីយ៍ នៅសាលប្រជុំនៃទីស្តីការក្រសួងយុត្តិធម៌។ កិច្ចប្រជុំនេះ ក៏មានការចូលរួមពីឯកឧត្តម ខាត់ ឆវ័ន្ត នាយករងខុទ្ទកាល័យឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ ព្រមទាំងសហការីដែលជាសមាសភាពក្រុមការងារដឹកនាំការត្រួតពិនិត្យផ្នែកទោសប្បញ្ញត្តិនៃសេចក្តីព្រាងច្បាប់ និងលិខិតបទដ្ឋានគតិយុត្តនានារបស់ក្រសួងយុត្តិធម៌​ ចំនួន​ ៥​ រូប​ រួមជាមួយនឹងក្រុមការងារនៃក្រសួងប្រៃសណីយ៍ និងទូរគមនាគមន៍ ដែលដឹកនាំដោយ ឯកឧត្តម ម៉ម អំណត់ រដ្ឋលេខាធិការ, ឯកឧត្ដម ហាក់ សុខហេង រដ្ឋលេខាធិការ, ឯកឧត្ដម ប៊ិន ប៊ុនឆិល រដ្ឋលេខាធិការ, ឯកឧត្ដម ប៊ិន សក្ដា អនុរដ្ឋលេខាធិការ និងសហការីនៃក្រសួងប្រៃសណីយ៍ និងទូរគមនាគមន៍ សរុប ១១រូប។ កិច្ចប្រជុំនេះ ត្រូវបានរៀបចំឡើងដើម្បីពិនិត្យ និងពិភាក្សាបន្តលើផ្នែកទោសប្បញ្ញតិ្តនៃសេចក្តីព្រាងច្បាប់ស្តីពីប្រៃសណីយ៍ ដើម្បីធានាដល់ប្រសិទ្ធភាពនៃការគ្រប់គ្រងកិច្ចដំណើរការរបស់ប្រតិបត្ដិករ និងអ្នកប្រើប្រាស់សេវាប្រៃសណីយ៍ក្នុងព្រះរាជាណាចក្រកម្ពុជា ស្របតាមស្ថានភាពវិវត្តជាក់ស្តែងនៃសង្គម សេដ្ឋកិច្ច និងធានាបាននូវសង្គតិភាពផ្នែកគតិយុត្តជាមួយបទប្បញ្ញត្តិជាធរមានដទៃទៀតក្នុងប្រទេសកម្ពុជា។