西港副省长赴宁波参加全球市长对话 推经贸合作

[来源: 柬埔寨国家电视台] [分类提示: NEWS] 标题: លោក សុខ ភា អភិបាលរងខេត្តព្រះសីហនុ ចូលរួម «កិច្ចសន្ទនាថ្នាក់ដឹកនាំទីក្រុងសកលលោក ឆ្នាំ២០២៦» នៅប្រទេសចិន ដើម្បីលើកកម្ពស់កិច្ចសហប្រតិបត្តិការសេដ្ឋកិច្ច និងពាណិជ្ជកម្ម ប្រទេសចិន ៖ដោយទទួលបានការអនុញ្ញាតពី ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ នាពេលថ្មីៗនេះ នៅទីក្រុងនីងប៉ូ ខេត្តចឺជាំង ប្រទេសចិន លោក សុខ ភា អភិបាលរងខេត្តព្រះសីហនុ ព្រមទាំងសហការី បានអញ្ជើញចូលរួមកិច្ចសន្ទនាថ្នាក់ដឹកនាំទីក្រុងសកលលោក ឆ្នាំ២០២៦ (Global Mayor’s Dialogue 2026) ក្រោមមូលបទ «ការបើកចំហ និងការតភ្ជាប់ ដើម្បីឱកាសរួមគ្នា» ដែលមានការចូលរួមពីថ្នាក់ដឹកនាំ និងតំណាងទីក្រុងចំនួន២០ មកពី១៥ប្រទេស រួមទាំងអ្នកចូលរួមសរុបជាង២៦០រូប។ កិច្ចសន្ទនាដ៏មានសារៈសំខាន់នេះ រៀបចំ ឡើងក្នុងគោលបំណងជំរុញ និងពង្រឹងកិច្ចសហប្រតិបត្តិការឱ្យកាន់តែស៊ីជម្រៅលើវិស័យសេដ្ឋកិច្ច ពាណិជ្ជកម្ម វិនិយោគ និងទេសចរណ៍ រវាងបណ្តាទីក្រុង និងខេត្តដែលបានចូលរួម។ ជាពិសេស តាមរយៈកិច្ចសន្ទនានេះ ទីក្រុងនីងប៉ូបានឯកភាពចេញ «គោលការណ៍រួម ស្តីពីការអភិវឌ្ឍកិច្ចសហប្រតិបត្តិការ» (Ningbo Consensus on Cooperative Development) ដោយផ្តោតលើអាទិភាពគន្លឹះសំខាន់ៗចំនួន៣ រួមមាន៖ ១.ការពង្រឹងកិច្ចសហប្រតិបត្តិការឧស្សាហកម្ម ២.ការគាំទ្រពាណិជ្ជកម្មបើកចំហ ៣.ការលើកកម្ពស់ការផ្លាស់ប្តូររវាងប្រជាជន និងប្រជាជន។ ការចូលរួមក្នុងវេទិកាអន្តរជាតិនេះ គឺជាជំហានដ៏មានតម្លៃមួយបន្ថែមទៀតក្នុងការផ្សព្វផ្សាយពីសក្តានុពលរបស់ខេត្តព្រះសីហនុ និងពង្រីកកិច្ចសហប្រតិបត្តិការអន្តរជាតិជាមួយបណ្តាទីក្រុងជាសកលផងដែរ៕ អត្ថបទ៖ ម៉ារ៉ាឌី រូបភាព៖ រដ្ឋបាលខេត្តព្រះសីហនុ 作者: ប្រុស អាន 分类: ព័ត៌មានជាតិ