លោក ហ៊ុន ម៉ានី យកសារជូនពរពីជួរក្រោយទៅឱ្យកងទ័ពជួរមុខ
លោក ហ៊ុន ម៉ានី ឧបនាយករដ្ឋមន្រ្តី និងជាប្រធានសហភាពសហព័ន្ធយុវជនកម្ពុជា បានយកសារលើកទឹកចិត្ត និងសារជូនពរសរសេរដោយដៃពីពលរដ្ឋជួរក្រោយទៅឱ្យកងកម្លាំងជួរមុខ ដែលកំពុងឈរជើងតាមព្រំដែន។ សារទាំងនេះជាពាក្យពេចន៍បង្ហាញពីអារម្មណ៍នឹករលឹក ការសួរសុខទុក្ខ ក្ដីបារម្ភ លើកទឹកចិត្ត ការគោរពដឹងគុណ និងជូនពរពីប្រជាជនខ្មែរផ្ញើទៅកាន់កងកម្លាំងដែលបន្តឈរជើងតាមព្រំដែន នាឱកាសពិធីបុណ្យចូលឆ្នាំថ្មីប្រពៃណីជាតិខ្មែរ។ ក្រៅពីនាំសាររបស់ទ័ពជួរក្រោយ លោក ម៉ានី ក៏បានយកស្បៀងមួយចំនួន និងក្រមាដែលទទួលបានយុទ្ធនាការ «១ម៉ឺនក្រមា» ទៅឱ្យកងកម្លាំងជួរមុខបន្ថែមផងដែរ។