劳工部长会见在日高棉人协会 推动日资赴柬投资

[来源: 柬埔寨国家电视台] [分类提示: NEWS] 标题: ឯកឧត្តមរដ្ឋមន្រ្តី ហេង សួរ លើកទឹកចិត្តសមាគម CAJ ពង្រីកកិច្ចសហប្រតិបត្តិការ និងពង្រឹងតួនាទីជាស្ពានភ្ជាប់កម្ពុជា-ជប៉ុន ក្នុងទិសដៅទាក់ទាញការវិនិយោគ (ភ្នំពេញ)៖ ឯកឧត្តម ហេង សួរ រដ្ឋមន្រ្តីក្រសួងការងារនិងបណ្តុះបណ្តាលវិជ្ជាជីវៈ នាព្រឹកថ្ងៃទី៣ ខែវិច្ឆិកា ឆ្នាំ២០២៦ បានទទួលជួបសម្តែងការគួរសមជាមួយឯកឧត្តម ហៃ វណ្ណា ប្រធានសមាគមជនជាតិខ្មែររស់នៅប្រទេសជប៉ុន (CAJ) នៅទីស្ដីការក្រសួង ដើម្បីពិភាក្សាការងារ បង្ហាញពីចក្ខុវិស័យ បេសកកម្ម និងទិសដៅការងាររបស់សមាគម CAJ ក្នុងការរួមចំណែកដល់ការតភ្ជាប់កម្ពុជា និងជប៉ុនលើការវិនិយោគ ភាពជាដៃគូធុរកិច្ច ទំនាក់ទំនងរវាងប្រជាជននិងប្រជាជន ព្រមទាំងជួយដោះស្រាយបញ្ហាប្រឈមរបស់បងប្អូនខ្មែរនៅប្រទេសជប៉ុន។ នាឱកាសនោះ ឯកឧត្តមរដ្ឋមន្រ្តីបានថ្លែងកោតសរសើរចំពោះឯកឧត្តម ហៃ វណ្ណា ដែលផ្តួចផ្តើមរៀបចំបង្កើតសមាគមដ៏សំខាន់មួយនេះឱ្យក្លាយជាស្ពានតភ្ជាប់ទំនាក់ទំនងរវាងប្រជាជននិងប្រជាជន ជាពិសេសជួយទាក់ទាញវិនិយោគិនជប៉ុនមកកម្ពុជា ជាក់ស្ដែងសមាគម CAJ ក៏បានសម្របសម្រួលឱ្យមានដំណើរទស្សនកិច្ច និងកិច្ចពិភាក្សាការងាររវាងក្រសួង និងក្រុមហ៊ុន TOKO Electrical Construction Co., Ltd. នាថ្ងៃនេះផងដែរ។ ឯកឧត្តមរដ្ឋមន្រ្តីបានលើកឡើងថា ការចុះបញ្ជីសមាគមជាអង្គការមិនមែនរដ្ឋាភិបាល (NPO) ស្របច្បាប់នៅជប៉ុន គឺជាសមិទ្ធផលសំខាន់ដែលជួយបង្កើនភាពជឿជាក់ និងបង្កើតមូលដ្ឋានរឹងមាំសម្រាប់កិច្ចសហការជាមួយសហគមន៍ និងប្រជាជនជប៉ុន។ សមាគមអាចដើរតួនាទីជាអ្នកផ្តល់ព័ត៌មាន និងសម្របសម្រួលដល់អ្នកវិនិយោគិនជប៉ុនដែលមានបំណងមកទស្សនកិច្ច និងឈ្វេងយល់ពីឱកាសវិនិយោគនៅកម្ពុជា។ ក្នុងនាមជារៀមច្បង ឯកឧត្តមបានកត់សម្គាល់ថា ការធ្វើការជាមួយភាគីជប៉ុន គឺត្រូវការ “ពេលវេលា ភាពច្បាស់លាស់ ភាពស្មោះត្រង់ និងតម្លាភាព” ដូច្នេះសមាគមមិនគួររំពឹងទទួលបានលទ្ធផលភ្លាមៗនោះទេ ប៉ុន្តែត្រូវ